وزیر اعلیٰ پنجاب نے لاہور میں عبدالستار ایدھی کے نام سے منسوب انڈر پاس کا افتتاح کر دیا

لاہور: وزیر اعلٰی پنجاب عثمان بزدار نے لاہور میں  65 کروڑ روپے کی لاگت سے گلاب دیوی اسپتال کے قریب عبدالستار ایدھی کے نام سے منسوب انڈر پاس کا افتتاح کر دیا۔

invest with imarat

Islamabad’s emerging city centre

Learn More

پنجاب حکومت نے 65 کروڑ روپے کی لاگت سے گلاب دیوی اسپتال کے قریب انڈر پاس مکمل کیا۔ انڈرپاس کے افتتاح کے موقع پر وزیراعلیٰ عثمان بزدار نے کہا کہ یہ منصوبہ ریکارڈ مدت میں مکمل ہوا ہے۔

انہوں نے کہا کہ فل ہائٹ تھری لین انڈر پاس کھلنے سے ایک لاکھ 32 ہزار سے زائد گاڑیوں اور موٹرسائیکل سوارو ں کو آمد ورفت میں آسانی ہو گی۔شفاف ٹینڈرنگ کے ذریعے تقریباً 6 کروڑ روپے کی بچت کی گئی ۔

انہوں نے کہا کہ انڈر پاس کی تعمیر سے جہاں عام شہری مستفید ہوں گے وہاں 4 بڑے ہسپتال گلاب دیوی، چلڈرن، سوشل سکیورٹی اور جنرل ہسپتال کے ہزارو ں مریضوں کو بھی آسانی ہو گی۔

عثمان بزدار کا کہنا تھا کہ عبدالستار ایدھی انڈر پاس کو مقررہ مدت سے دو ماہ قبل مکمل کیاگیا۔

انہوں نے لاہور کے شہریوں کیلئے ایلیویٹڈ ایکسپریس وے پراجیکٹ کا اعلان کر تے ہوئے کہا کہ 50 ارب روپے کی لاگت سے یہ منصوبہ لاہور کے شہریوں کو بے پناہ سہولیات فراہم کرے گا۔

انہوں نے بتایا کہ شاہدرہ موڑ پر ملٹی لیول داخلی و خارجی راستے کی تعمیر پر6 ارب 50 کروڑروپے خرچ ہوں گے اورشاہدرہ چوک پر ٹریفک کا مسئلہ مستقل بنیادوں پر حل ہو جائے گا۔

وزیر اعلٰی کا کہنا تھا کہ 4 ارب 90 کروڑ روپے کی لاگت سے داتا گنج بخش فلائی اووربنایا جا رہا ہے جبکہ 2 ارب 54 کروڑ 80 لاکھ روپے سے شاہکام چوک فلائی اوورکا منصوبہ جلد مکمل کر لیا جائے گا۔

مزید خبروں اور اپڈیٹس کیلئے وزٹ کیجئے گرانہ بلاگ

invest with imarat Islamabad’s emerging city
centre
Learn More
Scroll to Top
Scroll to Top