اسلام آباد: وفاقی وزیر منصوبہ بندی احسن اقبال نے وزارت میں ایک اجلاس کی صدارت کرتے ہوئے ہوئے کہا کہ عالمی منڈیوں کے ضروریات کو مدِنظر رکھتے ہوئے چین کے ساتھ برآمدات کا ہدف 40 ارب ڈالر مقرر کر دیا گیا ہے۔
اجلاس میں وفاقی وزیر کو چین میں پاکستانی برآمدات کو بڑھانے کے لیے تفصیلی بریفنگ دی گئی۔
اس موقع پر انہوں نے کہا کہ چین کی مارکیٹ میں ہماری مصنوعات کو زیادہ بہتر جگہ مل سکتی ہے اور اس کے لئے جامع پالیسی بنانے کی ضرورت ہے جس سے پاکستان کی برآمدات 3 ارب ڈالر کی موجودہ سطح سے بڑھ کر 30 سے 40 ارب ڈالر تک پہنچ سکتی ہیں۔
انہوں نے ہدایات جاری کیں کہ پالیسی کی تیاری میں وزارتِ تجارت تمام متعلقہ اداروں کو ساتھ لے کر کام شروع کرے اور چین کی ضروریات کو لازمی ملحوظِ خاطر رکھا جائے ۔
اس موقع پر احسن اقبال نے سی پیک کے دوسرے منصوبوں پر ترقی کی رفتار کا بھی جائزہ لیا اور کام کی رفتار کو بہتر بنانے پر زور دیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
