لاہور: پنجاب حکومت نے ڈسٹرکٹ ڈویلپمنٹ پروگرام کے تحت صوبے کے تین ہزار سے زائد ترقیاتی منصوبوں کیلئے 47 ارب روپےکے فنڈز جاری کردئیے ہیں ۔
صوبائی وزیر خزانہ ہاشم جواں بخت کا کہنا ہے کہ محکمہ خزانہ پنجاب کے جاری کردہ 47 ارب روپے کے فنڈز رواں مالی سال 2021-22 کے دوران 3605 ترقیاتی منصوبوں پر خرچ کیے جائیں گے۔
یہ فنڈز وزیر اعلیٰ عثمان بزدار کے اعلان کردہ پیکیج ڈسٹرکٹ ڈویلپمنٹ پروگرام کیلئے رکھے گئے تھے۔
صوبائی وزیر نے کہا کہ ڈسٹرکٹ ڈویلپمنٹ پروگرام کا مقصد نہ صرف کم ترقی یافتہ اضلاع میں سماجی سطح پر مواقع کی کمی کو دورکرنا ہے بلکہ ان اضلاع کو صوبے کے دیگر حصوں کے برابر بھی لانا ہے ۔
مزید خبروں اور اپڈیٹس کے لیے وزٹ کیجئے گرانہ بلاگ۔
