لا ہور ڈویلپمنٹ اتھارٹی میں اصلاحات کااعلان

لاہورڈویلپمنٹ اتھارٹی کے وائس چیئرمین ایس ایم عمران نے کہا ہے کہ وزیر اعظم پاکستان عمران خان کے ویژن کے تحت تمام نئے ترقیاتی منصوبے شہریوں کی ضروریات‘ زمینی حقائق اور مقامی حالات کو پیش نظر رکھ کر وضع کئے جائیں گے ۔اوورسیزپاکستانیوں کے ایل ڈی اے سے متعلق معاملات ترجیحی بنیادوں پر نپٹانے کے لئے ون ونڈ وسیل پر اوورسیز پاکستانیوں کے لئے سہولت ڈیسک قائم کر دیا ہے اور ڈپٹی ڈائریکٹر آئی ٹی جہانزیب الحسن کو اس کا انچار ج مقرر کیا ہے ۔
پاکستان سٹیزن پورٹل پرایل ڈی اے سےمتعلق وصول ہونے والی درخواستوں پرکارروائی کے لئے ایڈیشنل ڈائریکٹرجنرل ہاﺅسنگ ظریف اقبال ستی کوفوکل پرسن مقررکردیا ہے۔لاہورڈویلپمنٹ اتھارٹی کے ڈائریکٹر جنرل محمد عثمان معظم نے ہدایت کی ہے کہ ون ونڈو سیل پروصول ہونے والی درخواستوں کی وقت پرڈسپوزل یقینی بنانے کے لئے ایڈیشنل ڈائریکٹرجنرل ہاﺅسنگ کی زیر صدارت روزانہ بلاناغہ اجلاس منعقد کرکے ان درخواستوں پردیئے گئے وقت میں عمل درآمد یقینی بنایاجائے۔
لاہورڈویلپمنٹ اتھارٹی نے اپنے لیگل ایڈوائزراور17ایڈیشنل لیگل ایڈوائزرزکوانکی ذمہ داریوں سے سبکدوش کردیاہے۔گورننگ باڈی نے عدالتوں میں زیرسماعت مقدمات کی موثرپیروی کے لئے محنتی اور قابل ماہرین قانون کی خدمات سے استفادہ کرنے کی خاطرانکی تقرری اوپن کمپیٹیشن کےذریعے کرنےکا فیصلہ کیاہے۔لاہورڈویلپمنٹ اتھارٹی کے ڈائریکٹرجنرل محمد عثمان معظم نے شہریوں کی شکایات کے فوری ازالے اور ان کی درخواستوں پرکم سے کم وقت میں عمل درآمد یقینی بنانے کے لئے ہرجمعہ کوسارادن ون ونڈوسیل پرموجودرہنےکافیصلہ کیاہے۔وہ اس مقصدکے لئے دن نو بجے سے12بجے تک ون ونڈوسیل پر موجودرہاکریں گے ۔