سی ڈی اے نے نائنتھ ایوینو سے سیکٹر ایف ٹین تک سروس روڈ کی تعمیر پر کام شروع کردیا

اسلام آباد: کیپیٹل ڈیویلپمنٹ اتھارٹی (سی ڈی اے) نے نائنتھ ایوینو سے سیکٹر ایف ٹین تک سروس روڈ کی تعمیر پر کام شروع کردیا ہے۔

سڑک کو بلیو ایریا کے جی نائن – ایف نائن حصے کی ڈیویلپمنٹ کے سلسلے میں تعمیر کیا جا رہا ہے۔

اس منصوبے کی این آئی ٹی 243.912 ملین روپے تھی تاہم صحت مند مسابقت کی وجہ سے سب سے کم بولی 148.786 ملین روپے کی موصول ہوئی جس کو قبول کیا گیا جو کہ تخمینہ لاگت سے 39 فیصد کم ہے۔

یہ پراجیکٹ تعمیراتی صنعت کو فروغ دینے کے لئے حکومت کی پالیسی کے مطابق نیو بلیو ایریا کی جامع ترقی کا حصہ ہے۔

سی ڈی اے ڈی ڈبلیو پی کے 47 ویں اجلاس میں نیو بلیو ایریا کی پروجیکٹ ڈویلپمنٹ کے 525.141 ملین روپے کے پی سی 1 کی منظوری دی گئی۔

اس منصوبے کے تحت جن بڑے اجزاء کا احاطہ کیا جائے گا ان میں روڈ ورک، نکاسی آب، فٹ پاتھوں کی بحالی، واٹر سپلائی، سیوریج سسٹم، زمین کی تزئین کا کام، بجلی کا نظام اور نیو بلیو ایریا میں دیگر وابستہ سہولیات کی فراہمی شامل ہیں۔

جولائی 2020 میں کیپیٹل ڈویلپمنٹ اتھارٹی نے نیو بلیو ایریا سے 12 کمرشل پلاٹوں کی نیلامی کی جس کی مالیت 17 ارب روپے رہی۔

اسی طرح ستمبر 2020 میں بھی کمرشل پلاٹوں کی نیلامی کے دوران نیو بلیو ایریا کے تجارتی پلاٹوں کی نیلامی ہوئی۔

اب کیپٹل ڈویلپمنٹ اتھارٹی نے اس علاقے میں باضابطہ طور پر ترقیاتی کاموں کا آغاز کردیا ہے۔

مزید خبروں اور اپڈیٹس کے لئے وزٹ کیجئے گرانہ بلاگ۔