گرانہ ڈاٹ کام نے ایٹم کیمپ کی شراکت سے سرٹیفیکیشن برائے ہاسپیٹلٹی اینڈ ٹورزم مینیجمنٹ کا آغاز کردیا

گرانہ ڈاٹ کام نے ایٹم کیمپ کی شراکت سے دو روزہ سرٹیفیکیشن برائے ہاسپیٹلٹی اینڈ ٹورزم مینیجمنٹ کا آغاز کردیا۔

یہ سرٹیفیکیشن گلگت بلتستان میں کروائی جارہی ہے۔

اس موقع پر ایٹم کیمپ کے بانی ڈاکٹر نوید افتخار کا کہنا تھا کہ یہ ہاسپیٹلٹی ٹریننگ ایٹم کیمپ اور گرانہ ڈاٹ کام کا مشترکہ پراجیکٹ ہے کہ جس کا مقصد ہزار سے زائد پروفیشنلز کی ٹریننگ کرنا ہے تاکہ وہ کریٹو اکانومی میں حصہ لے سکیں۔ اُن کا کہنا تھا کہ گلگت بلتستان کی یوتھ کو ڈیجیٹل مارکیٹنگ، آرٹ، سائنس کلچرل ہیریٹیج اور کوڈنگ جیسے ہُنر سکھائے جارہے ہیں۔

چیئرمین امارات گروپ اور سی ای او گرانہ ڈاٹ کام جناب شفیق اکبر کا کہنا تھا کہ ہوٹل اور ٹورزم انڈسٹری کے فروغ کیلئے ایسے اقدامات وقت کی اہم ترین ضرورت ہیں۔ اُن کا کہنا تھا کہ گرانہ ڈاٹ کام اور ایٹم کیمپ کا یہ اقدام پاکستان کے سیاحتی سیکٹر کے موجودہ مسائل کے حل کی جانب ایک قدم ہے جس سے بین الاقوامی سطح پر مُلکی ٹورزم سیکٹر کا امیج بہتر ہوگا۔

گروپ ڈائریکٹر گرانہ فرحان جاوید کا کہنا تھا کہ گرانہ ڈاٹ کام اور ایٹم کیمپ کی شراکت سے شروع کردہ یہ سرٹیفیکیشن پاکستان کے ٹورزم سیکٹر میں ٹریننگ کی ضرورت کا ادراک ہے۔

اس سرٹیفیکیشن کو 4 ماڈیولز میں تقسیم کیا گیا ہے جن میں ریسٹورنٹ مینیجمنٹ، ٹور آپریشنز مینیجمنٹ، ہوٹل مینیجمنٹ اور ڈیجیٹل مارکیٹنگ شامل ہیں۔

یہ کورس تھیوری اور عملی مطالعات پر مبنی ہے جو کہ پاکستان کے ٹورزم سیکٹر سے جُڑے تکنیکی اور انتظامی امور کا مکمل احاطہ کیے ہوئے ہے۔