لاہور: وزیراعلیٰ نے سگنل فری کوریڈور منصوبے کا افتتاح کر دیا

لاہور: لاہور ڈویلپمنٹ اتھارٹی (ایل ڈی اے) نے چھ کلو میٹر سے زائد شاہراہ نظریہ پاکستان کو سگنل فری کاریڈور میں تبدیل  کر دیا ہے۔

تفصیلات کے مطابق ترقیاتی منصوبوں کی تکمیل کا سلسلہ جاری رکھتے ہوئے ایل ڈی اےنے چھ کلو میٹر سے زائد شاہراہ نظریہ پاکستان کو سگنل فری کوریڈور بنا دیا ہے۔ نگران وزیر اعلیٰ محسن نقوی نے منگل کے روز منصوبے کا افتتاح کیا۔ جبکہ اس موقع پر ڈی جی ایل ڈی اے محمد علی رندھاوا ،چیف انجینئر ایل ڈی اے اسرار سعید اور دیگر افسران موجود تھے۔

مزید یہ کہ ایل ڈی اے کے چیف انجینئر اسرار سعید نے معززین کو پراجیکٹ پر بریفنگ دیتے ہوئے کہا کہ شاہراہ نظریہ پاکستان کو سات یو ٹرنز بنا کر سگنل فری کوریڈور میں تبدیل کر دیا گیا ہے۔ انہوں نے کہا کہ یہ سڑک شہر کے مصروف ترین راستوں میں سے ایک تھی جہاں طویل عرصے سے ٹریفک کا مسئلہ رہا ہے، انہوں نے مزید کہا کہ کوریڈور بہت کم وقت میں مکمل ہو گیا تھا۔

چیف انجینئر نے وزیراعلیٰ کو بریفنگ دی کہ اس سڑک پر پہلے دو یو ٹرن بنائے گئے تھے۔ اور اب پانچ نئے محفوظ یو ٹرن بنائے گئے ہیں، جنہیں ٹریفک کے لیے کھول دیا گیا ہے۔ انہوں نے کہا کہ اس منصوبے کی تعمیر کے دوران ایک بھی درخت نہیں کاٹا گیا۔ وزیراعلیٰ نے منصوبے کو وقت سے پہلے مکمل کرنے پر ایل ڈی اے ٹیم کی کاوشوں کو سراہا۔

مزید یہ کہ وزیراعلیٰ محسن نقوی نے میو ہسپتال، سروسز ہسپتال اور کالج آف نرسنگ کا دورہ کیا۔ اور میو ہسپتال کے چلڈرن ایمرجنسی اور مین ایمرجنسی بلاک میں جاری اپ گریڈیشن کے کاموں کا معائنہ کیا۔ انہوں نے کارکنوں کی عدم موجودگی اور پیشرفت میں کمی کا نوٹس لیا۔

علاوہ ازیں، محسن نقوی نے پاکستان ویمن کرکٹ ٹیم کو نیوزی لینڈ کے خلاف ٹی ٹوئنٹی سیریز کی فاتحانہ کامیابی پر مبارکباد دی۔ اس تاریخی کامیابی کو سراہتے ہوئے وزیراعلیٰ نے خواتین کھلاڑیوں کی کارکردگی کو سراہا۔ نیز انہوں نے پشاور کے ورسک روڑ پر اسکول کے قریب دھماکے کی مذمت کی۔ اور زخمی ہونے والے تمام افراد بالخصوص بچوں کی صحت یابی کے لیے دعا کی۔

مزید خبروں اور اپڈیٹس کیلئے وزٹ کیجئے گرانہ بلاگ۔