مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: کابینہ کی اقتصادی رابطہ کمیٹی (ای سی سی) نے 33 کیٹگریز میں شامل 860 اشیاء کی درآمد پر پابندی ختم کرنے کی منظوری دیدی ہے۔
ای سی سی کے حالیہ اجلاس میں ایل این جی کی درآمد کے طریقہ کار کو متنوع بنانے اور نئے ایل این جی ٹرمینلز میں غیر ملکی و نجی سرمایہ کاری کی حوصلہ افزائی کے لیے ایل این جی پالیسی 2011 کے آرٹیکل 6.2 اے میں ترمیم کرنے کی منظوری بھی دیدی گئی۔
کابینہ کی اقتصادی رابطہ کمیٹی (ای سی سی) کا اجلاس وفاقی وزیرِ خزانہ مفتاح اسماعیل کی زیرصدارت منعقد ہوا۔
اجلاس میں وفاقی وزیرِ تجارت سید نوید قمر، وفاقی وزیرِ صنعت و پیداوار مخدوم سید مرتضیٰ محمود، وزیرِ مملکت خزانہ ڈاکٹرعائشہ غوث پاشا، وزیراعظم کے رابطہ کار برائے معیشت بلال اظہرکیانی، وزیراعظم کے رابطہ کار برائے تجارت رانا احسان افضل، چئیرمین ایف بی آر، چئیرمین اوگرا اور وفاقی سیکرٹریز سمیت سینئیر افسران نے شرکت کی۔
اجلاس میں وزارتِ تجارت کی جانب سے غیر ضروری و پُرتعیش اشیاء کی درآمد پر پابندی سے متعلق سمری پیش کی گئی۔
اجلاس کو بتایا گیا کہ 19 مئی 2022 کو 33 کیٹگریز کے 860 اشیاء کی درآمد پر پابندی لگائی گئی تھی۔ تجارتی شراکت داروں کی جانب سے اس پابندی پر سنجیدہ تحفظات کا اظہار کیا گیا جبکہ اس سے ملکی ریٹیل کی صنعت کو رسد کے حوالہ سے مسائل کا سامنا کرنا پڑا۔
ای سی سی نے اب ان تمام اشیاء سے پابندی ہٹانے کی منظوری دے دی ہے۔
ای سی سی نے 30 جون کے بعد اور31 جولائی تک روکے جانے والی کنسائنمنٹس کو سرچارج کی ادائیگی کے ساتھ جاری کرنے کی سفارش بھی کی۔
اجلاس میں وزارت توانائی (پیٹرولئیم ڈویژن) کی جانب سے ایل این جی پالیسی 2011 کے تحت نئے ایل این جی ٹرمینلز کو تھرڈ پارٹی ایکسس سے استثنیٰ کیلئے ترامیم سے متعلق سمری بھی پیش کی گئی۔
اجلاس کو بتایا گیا کہ ملک میں گیس کی طلب اوررسد میں خلیج بڑھ رہا ہے جس کی وجہ سے گیس کی لوڈ منیجمنٹ کی جا رہی ہے اور اس سے ملک میں اقتصادی سرگرمیوں پر منفی اثرات مرتب ہو رہے ہیں۔
ان حالات میں ایل این کی درآمد کے طریقہ کار کو متنوع بنانے کے لیے نئے ایل این جی ٹرمینلز میں غیرملکی و نجی سرمایہ کاری کی حوصلہ افزائی کی ضرورت ہے۔
ای سی سی نے ان مقاصد کے حصول کے لیے ایل این جی پالیسی 2011 کے آرٹیکل 6.2 اے میں ترمیم کرنے کی منظوری بھی دے دی ہے۔
اجلاس میں وزارتِ قومی غذائی تحفظ و تحقیق کی جانب سے یوٹیلیٹی سٹورز کارپوریشن کے لیے 3 لاکھ میٹرک ٹن گندم مختص کرنے سے متعلق سمری پیش کی گئی۔
ای سی سی نے وزارتِ قومی غذائی تحفظ و تحقیق کو اِنسی ڈینٹل چارجز اور وزارتِ خزانہ سے رائے لینے کے بعد سمری دوبارہ پیش کرنے کی ہدایت کی۔
مزید خبروں اور اپڈیٹس کیلئے وزٹ کیجئے گرانہ بلاگ۔
اسلام آباد: وفاقی ترقیاتی ادارےکیپیٹل ڈویلپمنٹ اتھارٹی (سی ڈی اے) نے ایک نئی ویب سائٹ…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے)کی انتظامیہ نے شہریوں کو…
اسلام آباد: وفاقی ترقیاتی ادارےکیپیٹل ڈیویلپمنٹ اتھارٹی (سی ڈی اے) کے زیر اہتمام کمرشل پلاٹس…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کو پلاٹوں کی نیلامی…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے زیر اہتمام ہونے…
اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے وفاقی دارالحکومت میں…
Welcome to Graana Blog - Pakistan’s Smartest Property Portal!
For more than a decade our intention has been to revolutionise the real estate industry in Pakistan. The same belief drove the vision of our real estate team, Graana where quality beats quantity.
We have introduced an extremely transparent and purposeful portal where we will help you buy, rent or sell your property. A place where you can sit back relax and let us market your projects and listings. We believe we have set new standards for the future of real estate in Pakistan by providing the smartest property portal.
