اسلام آباد: حکومت نے قبضہ مافیا سے 1800 ایکڑ سرکاری زمین واگزار کروا لی۔ تفصیلات کے مطابق زیرِ قبضہ اراضی کی لاگت 20 ارب روپے بنتی تھی۔
یہ انکشاف پبلک اکاؤنٹس کمیٹی کے ایک اجلاس میں وزارتِ مذہبی اُمور کی جانب سے کیا گیا جس کا کہنا تھا کہ ایف آئی اے کی مدد سے آپریشن مکمل کیا گیا۔
وزارتِ مذہبی اُمور کے ترجمان کا کہنا تھا کہ ایف آئی اے نے اس ضمن میں قبضہ مافیا کے خلاف 40 سے زائد کیس رجسٹر کرلیے ہیں۔
سینیٹر وسیم شہزاد کا کہنا تھا کہ ایف آئی اے کو ملک بھر میں قبضہ مافیا کے خلاف مہم میں مزید تیزی لانی چاہیے۔
مزید خبروں اور اپڈیٹس کیلئے وزٹ کیجئے گرانہ بلاگ۔
