اسلام آباد: آسٹریلیا نے پاکستان کے سیلاب متاثرین کے لیے مزید 3 ملین ڈالر امداد کا اعلان کردیا۔
پاکستان ہائی کمیشن آسٹریلیا کے مطابق تباہ کن سیلاب نے 33 ملین سے زیادہ افراد کو متاثر کیا ہے جبکہ ملک کا ایک تہائی سے زیادہ حصہ سیلاب میں ڈوبا ہوا ہے۔
اس موقع پر پاکستانی ہائی کمیشن کا کہنا تھا کہ پاکستان کی حکومت اور عوام مصیبت کی اس گھڑی میں آسٹریلیا کی یکجہتی کو سراہتے ہیں۔
پاکستان ہائی کمیشن آسٹریلیا کے مطابق آسٹریلوی امداد ورلڈ فوڈ پروگرام کے ذریعے دی جائے گی۔
واضح رہے کہ آسٹریلیا نے اس سے قبل بھی پاکستان کو 2 ملین ڈالر کی امداد فراہم کی تھی۔
مزید خبروں اور اپڈیٹس کیلئے وزٹ کیجئے گرانہ بلاگ۔
