وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے چیئرمین کیپٹن (ر) محمد عثمان یونس نے عوامی مسائل کے حل کے لیے ٹوئٹر پر شہریوں سے رابطہ کیا اور ان کے مسائل سنے۔
چیف کمشنر اسلام آباد اور سی ڈی اے چیئرمین محمد عثمان یونس نے زیرِتعمیر ترقیاتی منصوبوں کے حوالے سے سوشل میڈیا ویب سائٹ ٹوئٹر پر شہریوں کے خدشات سنے۔
سی ڈی اے چیئرمین کے ٹوئٹر ہینڈل کے مطابق چیئرمین نے شہریوں کے مسائل کے حل کے لیے ماتحت افسران کی ڈیوٹی بھی لگائی۔
کیپٹن (ر) محمد عثمان یونس نے ترقیاتی منصوبوں اور مختلف حوالوں سے ہونے والی ملاقاتوں کی اپ ڈیٹس بھی ٹوئٹر پر شیئر کیں۔
مزید برآں سی ڈی اے چیئرمین کا کہنا تھا کہ شہری شکایات، تجاویز یا آراء کے اندراج کے لیے سوشل میڈیا کا استعمال کریں تاکہ حکام ایسے اقدامات کر سکیں جو وفاقی دارالحکومت کے بہترین مفاد میں ہوں۔
سی ڈی اے چیئرمین اس سے قبل بھی مسائل کی شنوائی کے لیے شہریوں کے ساتھ ٹوئٹر پر رابطے میں رہتے ہیں۔
مزید خبروں اور اپڈیٹس کیلئے وزٹ کیجئے گرانہ بلاگ۔
