اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کا کہنا ہے کہ شہری مسائل کے تدارک کے لئے بنائی گئی ہیلپ لائن 1819 کو عوام میں بھرپور پذیرائی ملنا شروع ہو گئی ہے۔
سی ڈی اے حکام کے مطابق اس ہیلپ لائن سے شہری پراپرٹی اور اس کے ٹرانسفر کے حوالے سے اپنی درخواستوں پر عملدرآمد کی تازہ ترین صورتحال کے بارے میں معلومات حاصل کر سکتے ہیں۔
سی ڈی اے کی ہیلپ لائن کے تحت شہری ایکسائز اینڈ ٹیکسیشن کے امور سے متعلق مطلوبہ معلومات کے بروقت حصول کی سہولت سے بھی اب استفادہ کر سکیں گے۔
علاوہ ازیں اس ہیلپ لائن کے مدد سے وفاقی دارالحکومت اسلام آباد کے شہری دیگر سہولیات جیسے پراپرٹی کی ٹرانسفر اور دیگر ضروری معاملات پر بھی ہیلپ لائن کے ذریعے مدد حاصل کر سکیں گے۔
سی ڈے اے ترجمان کا کہنا ہے کہ ہیلپ لائن 1819 صبح 9 بجے سے رات 9 بجے تک اسلام آباد کے شہریوں کے لئے دستیاب ہو گی۔ اس ہیلپ لائن پر سی ڈی اے سے متعلقہ شکایات کے اندراج کے ساتھ ساتھ مطلوبہ معلومات مقررہ اوقاتِ کار میں حاصل کی جا سکتی ہیں۔
مزید خبروں اور اپڈیٹس کیلئے وزٹ کیجئے گرانہ بلاگ
