اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) بلڈنگ کنڑول نے ون کونسٹیٹیوشںن ایونیو کے مارکیٹنگ اینڈ سیلز ڈیپارٹمنٹ کو سربمہر کردیا ہے۔
تفصیلات کے مطابق شاہراہِ دستور پر قائم ہائی رائز بلڈنگ ون کونسٹیٹیوشن ایونیو کا ریکارڈ قبضے میں لے کر انتظامات سی ڈی اے نے سنبھال لیے ہیں۔ جبکہ ڈائریکٹر اسٹیٹ ٹو کو ایڈمنسٹریٹر ون کونسٹیٹیوشںن ایونیو تعینات کر دیا گیا ہے۔ سپریم کورٹ کے احکامات کی روشنی میں عدم ادائیگی کی بنیاد پر یہ لیز منسوخ کی گئی۔
مزید یہ کہ ون کونسٹیٹیوشن ایونیو کی رہائشی کمیٹی سی ڈی اے کمیٹی کے ساتھ مل کر روزمرہ کے نظم و نسق چلائے گی۔کمیٹی میں انفورسمنٹ بلڈنگ کنٹرول اور اسٹیٹ ڈیبارٹمنٹ کے افسران شامل ہونگے.
یاد رہے کہ 2015 میں بھی لیز منسوخ کی گئی تھی ۔اور سپریم کورٹ کی طرف سے ڈویلپر کو واجبات جمع کرانے کا ایک موقع دیا گیا تھا۔ تاہم ڈویلپر سپریم کورٹ کی طرف سے دیئے گئے شیڈول کے مطابق ادائیگی نہ کرسکا۔
مزید خبروں اور اپڈیٹس کیلئے وزٹ کیجئے گرانہ بلاگ۔
