سپیشل اکنامک زونز کی ڈویلپمنٹ میں چین کا بھرپور تعاون کا عندیہ

وفاقی حکام کے مطابق چینی سفیر نوگ رونگ نے ہفتے کے روز وزیرِ خزانہ اسحاق ڈار سے ملاقات کی اور سی پیک کے تحت سپیشل اکنامک زونز کی ڈویلپمنٹ میں چین کے مکمل تعاون اور حمایت کا عندیہ دیا۔

invest with imarat

Islamabad’s emerging city centre

Learn More

حکام نے بتایا کہ اس موقع پر وفاقی وزیرِ خزانہ اسحاق ڈار کا کہنا تھا کہ پاکستان اور چین کے درمیان گہرے دوستانہ تعلقات ہیں جو ہر گزرتے دن کے ساتھ مضبوط ہو رہے ہیں۔ انہوں نے موجودہ حکومت کے معاشی چیلنجز اور پالیسیوں پر روشنی ڈالی جس کا مقصد ملک میں معاشی اور مالیاتی استحکام لانا ہے۔

وفاقی وزیر نے ملک میں حالیہ سیلاب کے باعث اس کٹھن مرحلے میں چین کی جانب سے دی جانے والی 2 ارب 24 کروڑ ڈالر کی امداد کو سراہا اور شکریہ ادا کیا۔

اس موقع پر وفاقی وزیر کا کہنا تھا کہ پاکستان چین اقتصادی راہداری ملکی معیشت کو آگے لے جانے کے ساتھ ساتھ دونوں ممالک کے درمیان دوطرفہ تعلقات کو مستحکم کرنے میں اہم کردار ادا کرے گی۔ انہوں نے سی پیک منصوبوں کے کامیاب نفاذ کے لیے اپنے مکمل تعاون کا یقین دلایا۔

چینی سفیر نے پاکستان کے لیے چین کی مسلسل حمایت کا اعادہ کیا اور پاکستان میں مختلف منصوبوں میں چینی کمپنیوں کو سہولت فراہم کرنے پر حکومتِ پاکستان کا شکریہ ادا کیا۔

ملاقات میں وزیراعظم شہباز شریف کے مجوزہ دورہ چین پر بھی تبادلہ خیال کیا گیا اور دونوں فریقین نے امید ظاہر کی کہ اس دورے سے دونوں ممالک کے درمیان دوطرفہ تعلقات میں مزید اضافہ ہوگا۔

مزید خبروں اور اپڈیٹس کے لئے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top