تین بڑے تعمیری و ترقیاتی منصوبوں کے لیے نیسپاک اور سول ایوی ایشن کے مابین معاہدہ طے پا گیا

پاکستان سول ایوی ایشن اتھارٹی (پی سی اے اے) نے نیشنل انجینئرنگ سروسز پاکستان (نیسپاک) کو ایوی ایشن سیکٹر کے 3 بڑے ترقیاتی منصوبوں کا ٹھیکہ دے دیا۔

حکام کے مطابق سول ایوی ایشن اتھارٹی نے حکومت کی جانب سے ایوی ایشن انڈسٹری کو مزید مضبوط کرنے کی مہم کے تحت 3 بڑے ترقیاتی منصوبوں کے ٹھیکے نیسپاک کمپنی کو دے دیے۔

حکام نے بتایا کہ ان منصوبوں میں بیگم نصرت بھٹو ایئرپورٹ سکھر کی اَپ گریڈیشن اور توسیع، لاہور کے علامہ اقبال انٹرنیشنل ایئرپورٹ پر مسافر ٹرمینل کی عمارت و دیگر انفراسٹرکچر کی سہولیات کی توسیع اور تزئین و آرائش کے لیے ڈیزائن اور تعمیراتی نگرانی اور اسلام آباد میں ایوی ایشن ٹاور کی تعمیر شامل ہیں۔

حکام کے مطابق پی سی اے اے اور نیسپاک کے مابین معاہدے کی تقریب علامہ اقبال انٹرنیشنل ایئرپورٹ پر منعقد کی گئی۔ تقریب میں وفاقی وزیر ہوابازی خواجہ سعد رفیق، ڈی جی پی سی اے اے خاقان مرتضیٰ اور نیسپاک کے منیجنگ ڈائریکٹر ڈاکٹر طاہر مسعود کی موجودگی میں معاہدے پر دستخط کیے گئے۔

حکام کا مزید کہنا تھا کہ پاکستان سول ایوی ایشن اتھارٹی کی جانب سے وفاقی دارالحکومت میں جناح ایونیو پر 38 منزلہ بلند و بالا کمرشل ٹاور بھی تعمیر کیا جائے گا۔ مذکورہ ٹاور 8 لاکھ 50 ہزار مربع فٹ رقبے پر مشتمل ہو گا جس پر تقریباً 14 ارب روپے لاگت آئے گی۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے