سیلاب سے فصلوں کو 5 کھرب 29 ارب روپے کا نقصان ہوا: وفاقی وزارتِ غذائی تحفظ

اسلام آباد: وفاقی وزارتِ غذائی تحفظ کے اعداد و شمار کے مطابق ملک میں حالیہ سیلاب کے باعث تمام اقسام کی فصلوں کو تقریباً 5 کھرب 29 ارب روپے کا نقصان ہوا۔

وفاقی وزارتِ غذائی تحفظ نے سینیٹ کے حالیہ سیشن میں ایوان کو بریفنگ دیتے ہوئے بتایا کہ حالیہ سیلاب کے دوران ملک کے زرعی شعبے کو تقریباً 5 کھرب 29 ارب روپے کا نقصان ہوا جس سے 40 فیصد کھڑی فصلیں تباہ ہو گئیں۔ علاوہ ازیں لائیو سٹاک کے شعبے کو 1 کھرب 2 ارب روپے کا نقصان ہوا جبکہ 10 لاکھ سے زائد مویشی ہلاک ہوئے۔

وفاقی وزارتِ غذائی تحفظ نے حالیہ سیلاب سے ملک میں فصلوں کو ہونے والے نقصان کی تفصیلات پیش کرتے ہوئے بتایا کہ سندھ میں فصلوں کو تقریباً 3 کھرب اور 94 ارب روپے کا نقصان ہوا، پنجاب میں 82 ارب روپے جبکہ بلوچستان میں 63 ارب روپے کا نقصان ہوا۔ خیبرپختونخوا میں 17 ارب روپے اور آزاد جموں و کشمیر میں تقریباً 1 ارب روپے کا نقصان ہوا۔

حکام کا کہنا تھا کہ مجموعی طور پر 50 لاکھ 98 ہزار 9 سو 63 ایکڑ رقبے پر مشتمل فصلوں میں سے 40 فیصد فصلوں کو حالیہ سیلاب کے باعث نقصان پہنچا۔ ان کا کہنا تھا کہ سب سے زیادہ نقصان سندھ کو ہوا جہاں 79 فیصد فصلیں تباہ ہوئیں۔ بلوچستان میں 53 فیصد، پنجاب میں 15 فیصد، خیبرپختونخواہ میں 14 فیصد اور آزاد جموں و کشمیر میں 25 فصلوں کو نقصان پہنچا۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے