دبئی میں مقیم ایک پاکستانی فوڈ ڈیلیوری بوائے نے سڑک پر پڑے سیمنٹ بلاک کو راستے سے ہٹا کر اپنے نیک عمل سے ولی عہد شیخ حمدان بن محمد کو متاثر کر دیا۔
سوشل میڈیا پر وائرل ہونے والی ویڈیو میں صاف دیکھا جا سکتا ہے۔ کہ ایک فوڈ ڈیلیوری بوائے نے گزرتی ٹریفک کے دوران سڑک پر پڑے سیمنٹ کے بلاک کو اپنی جگہ سے ہٹایا۔ اور لوگوں کے راستے سے رکاوٹ صاف کر دی۔ اس ڈیلیوری بوائے عبدالغفور کا تعلق پاکستان سے ہے۔
ویڈیو وائرل ہونے پر دبئی کے ولی عہد شیخ حمدان بن محمد نے ڈیلیوری بوائے عبدالغفور کو مدعو کیا۔ انھوں نے نہ صرف شرفِ ملاقات بخشا۔ بلکہ شکریہ بھی ادا کیا۔ مزید یہ کہ شیخ حمدان بن محمد نے عبدالغفور کے ساتھ تصویر بنوا کر سوشل میڈیا پلیٹ فارم ٹویٹر پر پوسٹ کر دی۔ تصویر میں دیکھا جا سکتا ہے کہ ولی عہد نے پاکستانی عبدالغفور کے کندھے پر ہاتھ رکھ کر تصویر بنوائی۔
اس موقع پر متحدہ عرب امارات کے ولی عہد کا کہنا تھا کہ عبد الغفور سے ملاقات ایک اعزاز ہے۔ اور ایسی مثالوں پر دوسروں کو بھی عمل پیرا ہونا چاہیئے۔
عبدالغفور کی نیکی، اور ولی عہد کے ساتھ بننے والی تصویر کو سوشل میڈیا صارفین کی طرف سے بہت سراہا جا رہا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
