اسلام آباد: وزارتِ خزانہ کی جانب سے جاری بیان میں کہا گیا ہے کہ عالمی مالیاتی ادارے آئی ایم ایف کے ایگزیکٹو بورڈ کے 29 اگست کو ہونے والے اجلاس میں مسودے کی حتمی منظوری دی جائے گی جس کے بعد فنڈز کا اجراء کیا جائے گا۔
حکام کا کہنا ہے کہ پاکستان اور آئی ایم ایف قرض معاہدے کے لیے اظہارِ آمادگی کے مسودے کا شق وار جائزہ لیا جا رہا ہے۔
آئی ایم ایف پاکستان کی جانب سے بھجوائے گئے اعداد و شمار اور رپورٹس کا تفصیلی جائزہ لینے کے بعد وزارت خزانہ سے مسلسل رابطے میں ہے۔
وزارت خزانہ کے حکام کا کہنا ہے کہ آئی ایم ایف اس مسودے کی نقل جلد پاکستان کو بھجوائے گا جس کے بعد وزیرِخزانہ اور قائم مقام گورنر اسٹیٹ بینک حتمی مسودے پر دستخط کر کے اسے واپس بھجوائیں گے۔
حکام کے مطابق 29 اگست کو ہونے والے اجلاس میں مسودے کی منظوری کے بعد آئی ایم ایف پاکستان کو 1.17 ارب ڈالرز پاکستان کو منتقل کر دے گا۔
مزید خبروں اور اپڈیٹس کیلئے وزٹ کیجئے گرانہ بلاگ۔
