ایف ڈبلیو او نے اسلام آباد ایکسپریس وے کے توسیعی منصوبے کے لیے 11 ارب روپے کی بولی جمع کرا دی

اسلام آباد: کیپیٹل ڈویلپمنٹ اتھارٹی (سی ڈی اے) کو اس منصوبے کے لیے فرنٹیئر ورکس آرگنائزیشن (ایف ڈبلیو او) سے 11 ارب روپے کی بولی موصول ہوئی ہے جس کے تحت پی ڈبلیو ڈی سے گرینڈ ٹرک (جی ٹی) روڈ تک 7 کلومیٹر طویل اسلام آباد ایکسپریس وے کو توسیع دی جائے گی۔

invest with imarat

Islamabad’s emerging city centre

Learn More

سی ڈی اے حکام کے مطابق این ایل سی نے 11.7 ارب روپے کی بولی دی جبکہ ایف ڈبلیو او نے 10.9 ارب روپے کی بولی جمع کرائی۔

حکام کے مطابق کمیٹی کی منظوری کے بعد سی ڈی اے انتظامیہ ورک آرڈر جاری کرنے سے پہلے بولی قبول کرے گی۔

مذکورہ توسیعی منصوبے کو 18 ماہ کی قلیل مدت میں مکمل کیا جائے گا۔

علاوہ ازیں پی ڈبلیو ڈی سے روات تک ایکسپریس وے کو دو لین سے بڑھا کر دونوں اطراف چار لین تک توسیع دی جائے گی جبکہ سوہان پل کی تعمیر بھی اسی منصوبے کا حصہ ہے۔

فیصل مسجد سے شروع ہونے والی اس شاہراہ کو پہلے ہی کورال اور پی ڈبلیو ڈی اسٹاپ تک توسیع دی جا چکی ہے کیونکہ مذکورہ مرکزی شاہراہ پر ٹریفک میں دباؤ کے باعث شہریوں کو شدید مشکلات کا سامنا رہتا تھا۔

ایکسپریس وے جڑواں شہروں اسلام آباد اور راولپنڈی سمیت پنجاب کے مختلف اضلاع اور آزاد جموں و کشمیر کے مابین سفری سہولیات کا بہترین ذریعہ ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top