اسلام آباد: سندھ اور جنوبی پنجاب میں سیلاب کی وجہ سے پیاز اور ٹماٹر کی پیداوار میں کمی کے باعث قیمتیں آسمان سے باتیں کرنی لگی ہیں۔ اس گھمبیر صورت حال کے پیش نظر حکومت نے فیصلہ کیا ہے کہ پیاز اور ٹماٹر کے درآمدی اجازت نامے ایک روز کے اندر جاری کئے جائیں گے۔
وزارت غذائی تحفظ نے ایف بی آر کو آئندہ 90 روز کے لیے پیاز اور ٹماٹر پر تمام درآمدی ٹیکسز اور لیویز معاف کرنے کی بھی تجویز دی ہے۔
یہ تمام فیصلے وزارت کے آفس میں ہونے والے ایک اجلاس کے دوران کیے گئے۔ امید کی جا رہی ہے کہ فیصلے فوری طور پر موثر ہو جائیں گے۔
تفصیلات کے مطابق درآمد کنندگان کو پیاز اور ٹماٹر درآمد کرنے کی اجازت ہوگی۔ محکمہ پلانٹ پروٹیکشن کو ہدایت کی ہے کہ وہ درآمد میں تمام ممکنہ سہولتیں فراہم کرے اور اس بات کو یقینی بنائے کہ درآمد کنندگان کے لیے رکاوٹیں باقی نہ رہیں۔
وزارت نے صارفین کو کھانے کی اشیاء کی فراہمی یقینی بنانے کے لیے تمام اسٹیک ہولڈرز کو بھی کو بھی ہمراہ رکھا ہے۔
اس کے علاوہ درآمدات کی سہولت کے لیے ایک رابطہ گروپ بنایا گیا ہے، جہاں درآمد کنندگان اپنے مسائل سے آگاہ کر سکیں گے۔
وزارت غذائی تحفظ نے ان فیصلوں کو بر وقت یقینی بنانے کے لیے ایران، افغانستان، متحدہ عرب امارات اور دیگر ممالک میں پاکستانی سفارتخانوں سے درآمدات میں مدد کی درخواست کی ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
