سرکاری ملازمین کا رہائشی منصوبہ، 680 اپارٹمنٹس کا گرے اسٹرکچر مکمل: فیڈرل گورنمنٹ ایمپلائز ہاؤسنگ اتھارٹی

فیڈرل گورنمنٹ ایمپلائز ہاؤسنگ اتھارٹی (ایف جی ای ایچ اے) کا کہنا ہے کہ سرکاری ملازمین کے لیے تعمیر کیے جانے والے رہائشی منصوبے کے 680 اپارٹمنٹس کا گرے اسٹرکچر تقریباً مکمل کر لیا گیا۔ یہ منصوبہ اسلام آباد کے سیکٹر جی 13 ون اور جی 13 فور میں تعمیر کیا جا رہا ہے۔

حکام کے مطابق لائف اسٹائل ریزیڈینسی کے نام سے عمودی طرزِ تعمیر پر مبنی منصوبے کے 680 اپارٹمنٹس کا گرے اسٹرکچر آخری مراحل میں ہے۔

ذرائع کا کہنا ہے کہ 1 ہزار 1 سو 48 فلیٹس کی بیلٹنگ اجتماعی طور پر کروائی جائے گی تاکہ کسی کے ساتھ امتیازی سلوک نہ ہو۔

فیڈرل گورمنٹ ایمپلائز ہاؤسنگ اتھارٹی کے حکام نے بتایا کہ اپارٹمنٹس کی تعمیر مکمل ہونے کے بعد بیلٹنگ کی تقریب کا انعقاد کیا جائے گا۔

حکام کا کہنا تھا کہ تعمیراتی سامان کی قیمتوں میں اضافے کے نتیجے میں منصوبے کی لاگت میں غیر معمولی اضافہ ہوا جس کے باعث تاخیر کا سامنا کرنا پڑا۔ حکام نے یقین دلایا کہ منصوبہ جلد مکمل کر لیا جائے گا۔

یاد رہے کہ لائف اسٹائل ریزیڈینسی منصوبہ عمودی تعمیر پر مشتمل پراجیکٹ ہے جو جو فیڈرل گورمنٹ ایمپلائز ہاؤسنگ اتھارٹی، وزارتِ ہاؤسنگ اینڈ ورکس اور ای ایچ ایف پی آر او کے تعاون سے تعمیر کیا جا رہا ہے۔

قبل ازیں وفاقی سیکرٹری ہاؤسنگ اینڈ ورکس افتخار علی شلوانی نے سرکاری ملازمین کے لیے لاہور میں بھی لائف اسٹائل ریذیڈنسی اپارٹمنٹس میں ترقیاتی کاموں کو دوبارہ شروع اور تیز کرنے کی اجازت دی۔

مزید خبروں اور اپڈیٹس کے لئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے