لاہور ایکسپو سینٹر میں لینڈ اسٹار گروپ کی جانب سے 13 سے 15 جنوری 2023 کے دوران پراپرٹی اینڈ لیونگ ایکسپو کا انعقاد کیا گیا۔گرانہ ڈاٹ کام کے اشتراک سے منعقد کردہ ایکسپو میں گرانہ پراجیکٹس کی نمائش کی گئی۔
پراپرٹی اینڈ لیونگ ایکسپو کے موقع پر گرانہ ڈاٹ کام کے گزشتہ کامیاب ترین سال اور ترقی کو شرکاء کی جانب سے سراہا گیا۔
ایکسپو سینٹر لاہور میں منعقد کی جانے والی پراپرٹی اینڈ لیونگ ایکسپو میں گرانہ ڈاٹ کام کی جانب سے کلائنٹس کو ریئل اسٹیٹ اور پراپرٹی سے متعلق معلومات فراہم کی گئیں۔ شرکاء نے جائیداد کی لین دین، قانونی پہلوؤں اور فراڈ سے ممکنہ بچاؤ سے متعلق سوالات کے جوابات حاصل کیے۔
اس حوالے سے امارات گروپ کے چیئرمین شفیق اکبر کا کہنا تھا کہ ’’پاکستان میں موجود پوٹینشل ہی ہماری ترقی کی علامت ہے۔ ہمیں اپنی صلاحیتوں پر یقین اور اس پر محنت ہی ترقی کا ضامن ہے۔ انہوں نے مزید کہا کہ پاکستان کی خوشحالی اور تعمیر کے لیے ریئل اسٹیٹ مارکیٹ کی ترقی ناگزیر ہے۔ ہم وژن 2047 کے تحت خوابوں کو حقیقت میں بدلنے کے لیے منصوبہ بندی کا آغاز کر چکے ہیں۔‘‘
اس موقع پر گرانہ ڈاٹ کے ڈائریکٹر فرحان جاوید نے کہا کہ ’’ریئل اسٹیٹ کی ترقی جدید اور جامع معلوماتی ںظام کی مرہونِ منت ہے۔ ڈیجیٹل دور میں فرسودہ نظام سے نکل کر ہی ہم تیز ترین کامیابی حاصل کر سکتے ہیں۔ اور گرانہ ڈاٹ کام اسے اپنا اولین مقصد سمجھتے ہوئے ترقی کے راستے پر رواں دواں ہے۔ جس کے باعث نہ صرف کامیابی کی راہیں ہموار ہو رہی ہیں بلکہ روز بروز لوگ ہمارے ساتھ جڑ رہے ہیں۔ ‘‘
گورنر پنجاب محمد بلیغ الرحمان نےلاہور ایکسپو سینٹر میں پراپرٹی اینڈ لیونگ ایکسپو کا افتتاح کیا اور گرانہ ڈاٹ کام کے سٹال کا دورہ کیا۔ گرانہ ڈاٹ کام کو شراکت دار کے طور پر گورنر پنجاب بلیغ الرحمان کی جانب سے ایک یاد گار بھی پیش کیا گیا۔
شرکاء نے ایکسپو کے انعقاد کو نہ صرف سراہا بلکہ گرانہ ڈاٹ کام سے ملنے والی آگاہی کو معلوماتی قرار دیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
