دبئی: متحدہ عرب امارات کے ولی عہد شیخ حمدان بن محمد بن راشد المکتوم نے دبئی سنٹر برائے مصنوعی ذہانت (DCAI) کے ایکسلریٹر پروگرام میں شریک گرانہ ڈاٹ کام کےگروپ ڈائریکٹر ارسلان جاوید سے ملاقات کی۔ ملاقات کے دوران انہوں نے مصنوعی ذہانت پر پیش کردہ گرانہ ڈاٹ کام کے پروگرامز کو سراہا۔ اور گرانہ ڈاٹ کام کے پلیٹ فارم سے ہونے والی اس بڑی کاوش کو پاکستان کی ترقی میں مستقبل کا آئینہ دار قرار دیا۔
تفصیلات کے مطابق دبئی سینٹر میں ہونے والے ایکسلریٹر پروگرام میں دنیا بھر سے مصنوعی ذہانت پر مبنی 30 اسٹارٹ اپس سے منسلک پیشہ ور کاروباری افراد، تخلیق کاروں، نئے کاروبار کا آغاز کرنے والوں اور ماہرین نے شرکت کی۔ اس موقع پر شیخ حمدان بن محمد نے اس بات کا اعادہ کیا کہ دبئی دنیا بھر کے مصنوعی ذہانت پر مبنی کاروباری افراد اور تخلیق کاروں کا خیر مقدم کرنے کے لیے ہمہ وقت تیار ہے۔
اس موقع پر گرانہ ڈاٹ کام کے گروپ ڈائریکٹر ارسلان جاوید نے دبئی سینٹر برائے مصنوعی ذہانت پروگرام کو مستقبل کے تازہ ترین رجحانات، اہم شعبوں میں ہنر مندوں، کاروباری افراد اور تخلیقی ذہنوں کے لیے ایک بہترین اور مفید مقام قرار دیا۔علاوہ ازیں انہوں نے گرانہ ڈاٹ کام کی تعمیری مہارتوں، مستقبل کی ترقی اور ٹیکنالوجییز کو بروئے کار لاتے ہوئے مصنوعی ذہانت پر مبنی تصورات پیش کیے۔
یاد رہے گرانہ ڈاٹ کام دنیا بھرمیں پاکستان سے منتخب کیا جانے والا وہ پلیٹ فارم ہے جسے 55 ممالک کی 615 کمپنیوں میں سے منتخب کیا گیا ہے۔
مزید خبروں اور اپڈیٹس کیلئے وزٹ کیجئے گرانہ بلاگ
