ستمبر 2022 میں سب سے زیادہ، 480 نئی ریئل اسٹیٹ سیکٹر کی کمپنیاں رجسٹرڈ ہوئیں: ایس ای سی پی

سیکیورٹیز ایکسچینج کمیشن آف پاکستان (ایس ای سی پی) کے حالیہ جاری کردہ اعداد و شمار کے مطابق ستمبر 2022ء میں سب سے زیادہ، 480 نئی ریئل اسٹیٹ کمپنیاں رجسٹرڈ ہوئیں۔

ایس ای سی پی کے اعداد و شمار کے مطابق ستمبر 2022 میں کُل 2 ہزار 4 سو 34 نئی کمپنیاں رجسٹرڈ ہوئیں جن میں ریئل اسٹیٹ ڈویلپمنٹ اینڈ کنسٹرکشن سیکٹر 480 نئی کمپنیوں کے ساتھ سرِفہرست رہا۔

ایس ای سی پی کا کہنا ہے کہ ستمبر میں رجسٹرڈ ہونے والی کمپنیاں اس سے پچھلے ماہ کے مقابلے میں 9 فیصد زیادہ ہیں۔

ایس ای سی پی کے اعداد و شمار کے مطابق رئیل اسٹیٹ ڈویلپمنٹ اور کنسٹرکشن سیکٹر میں 480، انفارمیشن ٹیکنالوجی 368، ٹریڈنگ 290، سروسز 245، تعلیم 96، سیاحت 95، ای کامرس 90، فوڈ اینڈ بیوریجز 79 اور مارکیٹنگ اور ایڈورٹائزنگ سیکٹر میں 58 نئی کمپنیاں رجسٹرڈ کی گئیں۔

علاوہ ازیں ٹیکسٹائل اور کارپوریٹ ایگریکلچرل فارمنگ میں 54، انجینئرنگ 52، پاور جنریشن 50، فارماسیوٹیکل 38، کیمیکل 36، ہیلتھ کیئر 33 اور دیگر شعبوں میں 316 نئی کمپنیاں رجسٹرڈ ہوئیں۔ رجسٹرڈ کمپنیوں کی کُل تعداد 1 لاکھ 78 ہزار 7 سو 33 ہو چکی ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے