کورین سفارت خانے میں سیلاب زدگان کی امداد کے لیے تقریب کا انعقاد

پاکستان میں حالیہ سیلاب کی تباہ کاریوں کے بعد سیلاب زدگان کی امداد اور ازِسرِ نو بحالی کے لیے کورین سفارتخانے میں تقریب منعقد کی گئی جس میں کورین کمپنیوں اور سفارتخانے کی جانب سے دی گئی امدادی رقوم نیشنل ڈیزاسٹر مینجمنٹ اتھارٹی (این ڈی ایم اے) حکام کے حوالے کی گئیں۔

حکام کے مطابق تقریب میں کوریا ہائیڈرو اینڈ نیوکلیئر پاور کمپنی نے 46 لاکھ روپے، میرا پاور نے 20 لاکھ روپے اور کورین سفارتخانے کی جانب سے 23 لاکھ روپے عطیہ کیے گئے۔

اس موقع پر کورین سفیر سو سنگ پیو کا کہنا تھا کہ یہ عطیہ ان عطیات کے علاوہ ہے جو پہلے ہی کوریا کی حکومت اور پاکستان میں کام کرنے والی کورین نجی شعبے کی کمپنیوں اور ایسوسی ایشنز کی طرف سے دیے جا چکے ہیں، جن کی رقم بالترتیب 300,000 امریکی ڈالر اور 500,000 امریکی ڈالر سے زائد ہے۔

کوریا کے سفیر کا کہنا تھا کہ پہلا عطیہ پانی شفاف بنانے والی تقریباً تین لاکھ گولیوں، تیس ہزار کمبلوں اور دیگر ضروری امدادی اشیاء پر مشتمل تھا جس کی کھیپ 25 ستمبر کو این ڈی ایم اے حکام کے حوالے کی گئی۔ علاوہ ازیں دوسری کھیپ میں فیملی سائز خیمے، پانی کے مخصوص تھیلے اور تھرمل کمبلوں پر مشتمل قابلِ اعتماد اشیاء موجود ہیں اور یہ کھیپ کارگو جہاز پر لاد کر پاکستان کی جانب روانہ کر دی گئی ہے، امید ہے کہ 16 اکتوبر تک کراچی سی پورٹ پہنچ جائے گی۔

اس موقع پر کورین سفیر نے سیلاب کے بعد پیدا ہونے والی صورتحال سے نمٹنے کے لیے این ڈی ایم اے اور حکومتِ پاکستان کی کوششوں کو سراہا۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے