منظور شدہ رہائشی منصوبوں کو کیو آر کوڈ الاٹ کر دیے گئے: ایل ڈی اے

لاہور ڈویلپمنٹ اتھارٹی (ایل ڈی اے) کا کہنا ہے کہ تمام منظور شدہ رہائشی منصوبوں کو کیو آر کوڈ الاٹ کر دیے گئے ہیں تاکہ شہری قانونی طور پر جائز رہائشی منصوبوں میں محفوظ سرمایہ کاری کر سکیں۔

invest with imarat

Islamabad’s emerging city centre

Learn More

ایل ڈی اے کی جانب سے جاری کیے گئے پبلک نوٹس کے مطابق رہائشی منصوبوں کو الاٹ کیے گئے کوڈ ایل ڈی اے کی آفیشل ویب سائٹ پر دستیاب ہیں۔ ایل ڈی اے حکام نے سرمایہ کاروں اور صارفین کو تنبیہ کی کہ ایسے رہائشی منصوبوں میں سرمایہ کاری ہرگز نہ کریں جو کیو آر کوڈ فراہم نہیں کرتے۔

ایل ڈٰی اے حکام کے مطابق ہاؤسنگ سوسائٹیز کو تفویض کردہ QR کوڈ اسکین کر کے رہائشی منصوبے میں موجود پلاٹوں کی کُل تعداد، رہن سہن، اور سوسائٹی میں ہونے والے ترقیاتی کاموں کی موجودہ حیثیت کے بارے میں جامع معلومات حاصل کی جا سکتی ہیں۔

ایل ڈی اے نے تمام صارفین اور ڈیلرز کو بھی مشورہ دیا کہ وہ ہاؤسنگ سوسائٹیز کی طرف سے چلائی جانے والی گمراہ کن اشتہاری مہم کا شکار نہ ہوں اور کوئی بھی سرمایہ کاری کرنے سے قبل کیو آر کوڈ کی الاٹمنٹ لازمی چیک کر لیں اور کوڈ سکین کرنے کے بعد تمام تفصیلات حاصل کر کے پھر سرمایہ کاری کی جائے۔

مزید خبروں اور اپڈیٹس کیلئے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top