لاہور: لاہور ڈویلپمنٹ اتھارٹی (ایل ڈی اے) نے رئیل اسٹیٹ میں سرمایہ کاری سمیت پراپرٹی کی خرید و فروخت کے دوران عوام کو دھوکہ دہی سے تحفظ فراہم کرنے کے لئے پراپرٹی ڈیلرز کی رجسٹریشن کا حتمی فیصلہ کر لیا۔
ایل ڈی اے حکام کے مطابق یہ فیصلہ اتھارٹی کی گورننگ باڈی کی رواں سال میں منعقد ہونے والی تیسری نشست کے دوران کیا گیا۔
علاوہ ازیں اجلاس میں پراپرٹی ڈیلرز کی رجسٹریشن کے حوالے سے قوائد و ضوابط کا تعین بھی کیا گیا۔
حکام کا کہنا ہے کہ اجلاس میں مشترکہ منصوبہ بندی سے متعلق قوانین کے مسودے اور ایل ڈی اے کی ڈیجیٹائزیشن اور آٹومیشن کی بھی منظوری دی گئی۔
اجلاس میں پلاٹ آکشن کمیٹی کی تشکیلِ نو عمل میں لاتے ہوئے یہ فیصلہ بھی کیا گیا کہ ماسٹر پلان 2050 اسکروٹنی کمیٹی کے حوالے کیا جائے گا اور پبلک نوٹس جاری کرنے کے بعد یہ واپس گورننگ باڈی کو بھجوایا جائے گا۔
مزید خبروں اور اپڈیٹس کیلئے وزٹ کیجئے گرانہ بلاگ۔
