لاہور: لاہور ڈویلپمنٹ اتھارٹی (ایل ڈی اے) نے صوبائی دارالحکومت میں 8 خلافِ قانون ہاؤسنگ سوسائٹیز کی تعمیرات مسمار کر دیں۔
تفصیلات کے مطابق غیر مصدقہ سوسائیٹیز اور ایک غیر قانونی اراضی سب ڈویژن کے خلاف کاروائی عمل میں لائی گئی۔
مزید برآں، آپریشن کے دوران غیر قانونی ہاؤسنگ کمپلیکس کے دفاتر، روڈ ویز، باؤنڈری والز اور دیگر عمارتوں کو بھی مسمار کر دیا گیا۔
اطلاعات کے مطابق مذکورہ غیر قانونی ہاؤسنگ سوسائٹیز گزشتہ دو سال سے متعلقہ قانونی اداروں کی منظوری حاصل نہیں کر پائیں۔
بعض عہدیداران کے مطابق کچھ ہاؤسنگ سوسائٹیز غیر قانونی تعمیرات کے علاوہ آپریشن کے چند دنوں بعد مسمار کیے گئے دفاتر اور ڈھانچے کی تعمیر نو کرتی رہتی ہیں۔
مزید خبروں اور اپڈیٹس کیلئے وزٹ کیجئے گرانہ بلاگ۔
