ملتان روڈ پر واقع 7 کاروباری تعمیرات سربمہر: ایل ڈی اے

لاہور: لاہور ڈویلپمنٹ اتھارٹی نے قوائد و ضوابط کی خلاف ورزی پر کاروائی کرتے ہوئے ملتان روڈ پر واقع 7 کاروباری تعمیرات سربمہر کر دیں۔

حکام کے مطابق ایل ڈی اے کی ٹیم نے کاروائی کرتے ہوئے آٹو موبائل کمپنیوں کے پانچ مجاز ڈیلرز سمیت سات کاروباری تعمیرات کو سربمہر کر دیا۔

حکام نے بتایا کہ سربمہر کی گئی تعمیرات کے مالکان نے ضوابط اور زمین کے استعمال کے قوانین کی خلاف ورزی کرتے ہوئے اپنی پراپرٹی کا قانونی کمرشل سٹیٹس حاصل کیے بغیر تعمیرات کر دی تھیں۔

حکام کا کہنا تھا کہ ایل ڈی اے کی جانب سے 15 روز قبل ان تعمیرات کے مالکان کو متعلق ریکارڈ 10 دنوں کے اندر پیش کرنے کے لیے نوٹس بھیجے گئے تھے لیکن مالکان کی جانب سے کوئی جواب نہ ملنے پر کاروائی کی گئی۔

حکام کے مطابق سربمہر کی گئی تعمیرات کمرشل اسٹیٹس کی حامل نہیں ہیں۔ قانون کے تحت مطلوبہ فیس کی ادائیگی کے بعد ان تعمیرات کا کمرشل اسٹیٹس حاصل کیا جا سکتا ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے