ستمبر 2022: سندھ اور بلوچستان میں معمول سے زائد بارشیں متوقع

sep forecast NI

اسلام آباد: اگلے ماہ ستمبر کے مہینے میں صوبہ سندھ اور بلوچستان میں معمول سے زائد بارشوں کی توقع ہے۔ موسمیاتی ماہرین کے مطابق سندھ کے ساحلی علاقوں میں نصف ستمبر سے مون سون ہوائیں دوبارہ داخل ہونے کا خدشہ ہے۔ جبکہ اسی دوران ملک کے جنوبی حصے بھی دوبارہ مون سون ہواؤں کی لپٹ میں آ سکتے ہیں۔

 

ماہرین کا کہنا ہے کہ 80 فیصد مون سون بارشیں برس چکی ہیں۔ ماہ ستمبر میں ہونے والی بارشوں کی شدت جولائی اور اگست کی نسبت کم ہو گی۔ رواں برس مون سون سیزن ستمبر کے آخر یا اکتوبر کے پہلے ہفتے تک جاری رہنے کا امکان ہے۔

ماہِ جولائی اور اگست 2022 میں ہونے والی مون سون بارشیں معمول سے زائد ہوئیں۔ جس کے باعث سیلابی صورتحال پیدا ہونے پر قیمتی انسانی جانوں، جانوروں، املاک اور انفراسٹرکچر کی تباہی کا سامنا کرنا پڑا۔

پاکستان میں رواں سال اگست تک کل 390.7 ملی میٹر (15.38 انچ) یا 30 سالہ اوسط سے تقریباً 190 فیصد زائد بارشیں ریکارڈ کی گئی ہیں۔

 

ستمبر 2022: سندھ اور بلوچستان میں معمول سے زائد بارشیں متوقع

 

محکمہ موسمیات کے مطابق سندھ میں رواں برس معمول سے 500 فیصد زائد مون سون بارشیں ریکارڈ کی گئیں۔ جس کے باعث صوبے بھر میں غیر معمولی حالات نے جنم لیا۔ اسی طرح پنجاب میں 85 فیصد، خیبرپختونخواہ میں 42، گلگت بلتستان میں 143 فیصد جبکہ سندھ کی طرح بلوچستان میں بھی 500 فیصد سے زائد بارشوں نے تباہی مچائی۔

علاوہ ازیں شمالی پہاڑوں سے آنے والے سیلابی ریلوں نے مکانوں، مویشیوں، فصلوں اور انفراسٹرکچر کو شدید نقصان سے دوچار کیا۔

مزید خبروں اور اپڈیٹس کیلئے وزٹ کیجئے گرانہ بلاگ۔