اسلام آباد: اسٹیبلشمنٹ ڈویژن نے کمشنر لاہور کیپٹن (ریٹائرڈ) محمد عثمان یونس کی بطور چیف کمشنر اسلام آباد تعیناتی کا نوٹیفکیشن جاری کر دیا۔
کیپٹن (ریٹائرڈ) محمد یونس نے اپنے حالیہ ٹویٹ میں نوٹیفیکیشن کی کاپی شئیر کرتے ہوئے کہا کہ میں جس بھی عہدہ پر ہوں، میرے لیے ہمیشہ اعزاز کی بات ہے کہ عوام کی خدمت کر سکوں۔ ان کا مزید کہنا تھا کہ اللہ تعالیٰ کا بہت شکر ہے کہ اس نے ہمیشہ ملک و قوم کی خدمت کا موقع دیا۔
کیپٹن (ریٹائرڈ) محمد عثمان پاکستان ایڈمنسٹریٹو سروس سے تعلق رکھنے والے 20 ویں گریڈ کے افسر ہیں۔ ان کی بطور کمشنر لاہور اعلیٰ خدمات اور عمدہ کارکردگی کے نتیجے میں انہیں کمشنر اسلام آباد کی ذمہ داریاں سونپی گئیں۔
مزید خبروں اور اپڈیٹس کیلئے وزٹ کیجئے گرانہ بلاگ۔
