پراپرٹی کے ملکیتی حقوق کی پڑتال کے لیے سی ڈی اے میں نادرا ویریفیکیشن سینٹر کا قیام

اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) نے پراپرٹی کے ملکیتی حقوق کی جانچ پڑتال اور دیگر خدمات کے لیے نادرا ویرفیکیشن سینٹر قائم کر دیا۔

invest with imarat

Islamabad’s emerging city centre

Learn More

سی ڈی اے حکام کا کہنا ہے کہ چیئرمین سی ڈی اے کیپٹن (ر) محمد عثمان یونس نے بدھ کے روز سٹیزن فیسیلیٹیشن سینٹر میں نادرا تصدیقی مرکز کا افتتاح کیا۔

اس موقع پر سی ڈی اے چیئرمین کا کہنا تھا کہ نادرا تصدیقی مرکز کے قیام سے درخواست گزاروں بالخصوص اسلام آباد کے رہائشیوں کو بہترین سہولیات میسر آئیں گی۔ اسی طرح نادرا تصدیقی مرکز کے قیام کے بعد کوئی تیسرا فریق شہریوں کی جانب سے سی ڈی اے میں دعویٰ دائر نہیں کر سکے گا۔ یہ کاؤنٹر شہریوں کے ساتھ دھوکہ دہی کے امکانات اور شکایات کو ختم کرنے میں مدد دے گا۔

سی ڈی اے چیئرمین کا کہنا تھا کہ سی ڈی اے تمام معاملات میں شفافیت کو یقینی بنا رہا ہے۔ سی ڈی اے سٹیزن فیسیلیٹیشن سنٹر میں آنے والے شہریوں کو مزید سہولیات کی فراہمی کے لیے مختلف اقدامات کیے جا رہے ہیں۔ انہوں نے مزید کہا کہ درخواستوں کے نمٹانے میں تاخیر برداشت نہیں کی جائے گی اور وہ غیر ضروری وجوہات کی بنا پر درخواستوں میں تاخیر کی ذاتی طور پر نگرانی کریں گے۔

بعد ازاں چیئرمین سی ڈی اے نے سٹیزن فیسیلیٹیشن سینٹر کا دورہ کیا اور فراہم کی جانے والی سہولیات کا جائزہ لیا۔ انہوں نے حکام کو ہدایت کی کہ شہریوں کو مزید سہولیات کی فراہمی کے لیے تمام دستیاب وسائل بروئے کار لائے جائیں۔

اس موقع پر انہوں نے سی ڈی اے حکام کو مزید ہدایت کی کہ ایک ڈیش بورڈ قائم کیا جائے جس کے ذریعے ون ونڈو آپریشنز پر جمع ہونے والی درخواستوں کی نگرانی کی جا سکے۔ علاوہ ازیں اس ڈیش بورڈ کی رسائی چیئرمین آفس میں بھی فراہم کی جائے۔ انہوں نے یہ بھی کہا کہ درخواستوں اور مقدمات کے نمٹانے میں غیر ضروری تاخیر کرنے والوں کے خلاف کارروائی کی جائے گی۔ ان کا کہنا تھا کہ سٹیزن فیسیلیٹیشن سنٹر کے قیام کا مقصد عوام کو بہترین سہولیات فراہم کرنا ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top