اڈیالہ روڈ اور شاہ پور روڈ پر غیر قانونی تعمیرات کے خلاف آپریشن کیا جائے گا: آر ڈی اے

راولپنڈی ڈویلپمنٹ اتھارٹی (آر ڈی اے) حکام کا کہنا ہے کہ ڈائریکٹر جنرل آر ڈی اے محمد سیف انور جپہ کی ہدایات پر اڈیالہ روڈ اور شاہ پور روڈ پر قائم غیر قانونی تعمیرات کے خلاف آپریشن کیا جائے گا۔

حکام کے مطابق ڈی جی آر ڈی اے نے بروز بدھ اڈیالہ روڈ اور شاہ پور روڈ کا دورہ کیا اور وہاں قائم غیر قانونی تعمیرات کا جائزہ لیا۔ اس موقع پر ڈی جی آر ڈی اے نے بلڈنگ کنٹرول ونگ کو غیر قانونی تعمیرات کے خلاف آپریشن کرنے کی ہدایت کی۔

آر ڈی اے ترجمان نے بتایا کہ ڈی جی آر ڈی اے نے اڈیالہ روڈ پر واقع ایک شادی ہال خلاف ایف آئی آر درج کرنے کا بھی حکم جاری کیا۔ انہوں نے بلڈنگ کنٹرول ونگ کو اڈیالہ روڈ پر واقع غیر قانونی دکانیں مسمار کرنے کی بھی ہدایت کی۔

حکام کے مطابق ڈی جی آر ڈی اے نے ہدایت کی کہ غیر قانونی رہائشی اور کمرشل عمارتوں کی منظوری، کمرشلائزیشن، نقشوں کی تکمیل اور عمارات کے منصوبوں کی فیس اور چارجز کے حوالے سے سروے کیا جائے۔

ڈی جی آر ڈی اے نے بلڈنگ کنٹرول ونگ کو ہدایات جاری کیں کہ اڈیالہ روڈ اور شاہ پور روڈ پر واقع وہ تمام رہائشی عمارات جن کو کمرشل عمارات کے طور پر استعمال کیا جا رہا تھا، ان کو کمرشلائزیشن نوٹس جاری کیے جائیں اور انہیں ریگولرائز کیا جائے۔

علاوہ ازیں ڈی جی آر ڈی اے نے تمام سپانسرز کو بھی غیر قانونی ہاؤسنگ سوسائٹیز کی تشہیر نہ کرنے کی تنبیہ کی۔ ان کا کہنا تھا کہ این او سی کے بغیر کسی بھی رہائشی منصوبے کی مارکیٹنگ نہ کی جائے اور رہائشی منصوبے این او سی کے حصول کے لیے آر ڈی اے سے رابطہ کریں۔ بصورت دیگر قانونی کاروائی عمل میں لائی جائے گی۔

آر ڈی اے حکام کا کہنا تھا کہ ڈی جی محمد سیف انور جپہ نے بلڈنگ کنٹرول ونگ کو ہدایت کی ہے کہ وہ تمام غیر قانونی تعمیرات، کمرشل سرگرمیوں، بکنگ آفسز اور تجاوزات کے خلاف سخت کارروائی کریں۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے