پاکستان کو چین سے سیلاب متاثرین کی امداد کے لیے 9 کروڑ ڈالر موصول

ملک میں حالیہ سیلاب کی تباہ کاریوں کے بعد سیلاب زدگان کی امداد کی لیے دوست ملک چین کی جانب سے بھیجی گئی 9 کروڑ ڈالر کی امدادی رقم پاکستان کو موصول ہو گئی۔

چینی سفارتخانے کی جانب سے جاری کی گئی تفصیلات کے مطابق چینی حکومت نے 40 کروڑ آر ایم بی، چینی فوج نے 10 کروڑ آر ایم بی، چائنیز پیپلز ایسوسی ایشن نے ساڑھے 12 کروڑ آر ایم بی اور چین کی ریڈ کراس سوسائٹی نے 21 لاکھ آر ایم بی کی امداد فراہم کی۔

چینی سفارتخانے کے آفیشل ٹویٹر اکاؤنٹ پر جاری بیان میں کہا گیا ہے کہ مصیبت کی اس گھڑی میں چین پاکستان کے ساتھ کھڑا ہے۔

این ڈی ایم اے کے اعداد و شمار کے مطابق مون سون کی بارشوں اور سیلاب سے ملک میں 3 کروڑ 30 لاکھ سے زائد افراد متاثر ہوئے ہیں۔ سیلاب سے متاثرہ افراد میں 1678 افراد ہلاک اور 12864 زخمی ہوئے ہیں۔

این ڈی ایم اے کی تازہ ترین معلومات کے مطابق سیلاب کے باعث 2,045,349 مکانات مکمل یا جزوی طور پر تباہ ہوئے ہیں جبکہ 13,074 کلومیٹر سڑکوں اور 410 پُلوں کو بھی نقصان پہنچا۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے