سینٹرل ڈویلپمنٹ ورکنگ پارٹی (سی ڈی ڈبلیو پی) لیہ میں 12 سو میگاواٹ کے سولر پاور پلانٹ منصوبے کی زمین کے حصول کے پی سی ون پر غور کرے گی۔ اس منصوبے پر 2 ارب 65 کروڑ روپے لاگت آئے گی۔
حکام کا کہنا تھا کہ مذکورہ منصوبے کا پی سی ون سینٹرل ڈویلپمنٹ ورکنگ پارٹی (سی ڈی ڈبلیو پی) کو جمع کروایا جا چکا ہے۔ سی ڈی ڈبلیو پی کی منظوری کے بعد اس پر عملدرآمد کا آغاز کیا جائے گا۔
وزراتِ منصوبہ بندی کا کہنا ہے کہ 12 سو میگاواٹ کے منصوبے کے لیے 4 ہزار 8 سو ہیکٹر اراضی کی ضرورت پیش آئے گی جو کہ فی میگاواٹ چار ہیکٹر اراضی بنتی ہے۔
حکام نے بتایا کہ یہ منصوبہ ضلع لیہ کی تحصیل چوبارہ کے علاقے شیرگڑھ میں شروع کیا جائے گا۔ سی ڈی ڈبلیو پی کی جانب سے پی سی ون کی منظوری کے بعد منصوبے کی اراضی کے حصول کے لیے کاروائی کا آغاز کیا جائے گا۔
مزید خبروں اور اپڈیٹس کے لئے وزٹ کیجئے گرانہ بلاگ۔
