وزیراعظم آزاد کشمیر نے کم آمدن افراد کے لیے رہائشی منصوبے کا سنگِ بنیاد رکھ دیا

وزیرِاعظم آزاد کشمیر نے کم آمدن افراد کے لیے 500 رہائشی یونٹس پر مشتمل کالونیوں کے رہائشی منصوبے کا سنگِ بنیاد رکھ دیا۔

حکام کے مطابق مذکورہ منصوبہ کم آمدن افراد اور بالخصوص شہداء کی فیملیز کو رہائشی سہولت فراہم کرنے کے لیے تعمیر کیا جا رہا ہے۔

منصوبے کا سنگِ بنیاد رکھنے کی تقریب سے خطاب میں وزیراعظم آزاد جموں و کشمیر سردار محمد تنویر الیاس کا کہنا تھا کہ یہ پہلا میگا پراجیکٹ ہے جو کشمیر آرفن ریلیف ٹرسٹ (کے او آر ٹی) کے تعاون سے تعمیر کیا جائے گا۔

ان کا کہنا تھا کہ 500 رہائشی یونٹس والی کالونیوں پر مشتمل یہ منصوبہ آزاد کشمیر کے چار اضلاع بشمول کوٹلی، باغ، نیلم اور میرپور میں تعمیر کیا جائے گا۔

اس موقع پر وزیرِاعظم آزاد کشمیر نے خطے میں مختلف منصوبوں کے لیے 30 ارب روپے دینے پر سعودی ارب کی حکومت کا شکریہ ادا کیا۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے