اسلام آباد: وزیر اعظم میاں محمد شہباز شریف نے بیرون ملک مقیم پاکستانیوں کے لیے وفاقی دارالحکومت اسلام آباد میں جدید طرزِ تعمیر پر مشتمل ہاؤسنگ سوسائٹیز اور گھر بنانے کی ہدایات جاری کی ہیں۔
اسلام آباد میں منعقدہ اہم اجلاس کے دوران بیرون ملک مقیم پاکستانیوں کی جانب سے پراپرٹی مارکیٹ میں سرمایہ کاری سے متعلق وزیراعظم نے کہا کہ غیر ملکیوں کی خاطر گھر بنانے کے لیے پیشہ ور کمپنیوں کی خدمات حاصل کی جائیں۔
کیپیٹل ڈویلپمنٹ اتھارٹی (سی ڈی اے) کے اعلیٰ حکام نے وزیراعظم کو سمندر پار پاکستانیوں کی ریئل اسٹیٹ مارکیٹ میں سرمایہ کاری کے امکانات کے بارے میں آگاہ کیا۔
وزیر اعظم نے یہ بھی ہدایات جاری کیں کہ سرمایہ کاری کو راغب کرنے والے سی ڈی اے کے اقدامات کی مناسب تشہیر کی جائے۔
وزیراعظم شہباز شریف نے منصوبوں کو وقت سے پہلے مکمل کرنے پر زور دیا اور کہا کہ انتظامیہ وفاقی دارالحکومت کے ترقیاتی معیار پر سمجھوتہ نہیں کرے گی۔
مزید خبروں اور اپڈیٹس کیلئے وزٹ کیجئے گرانہ بلاگ۔
