راول ڈیم فلائی اوور رواں ہفتے عوام کے لیے کھولے جانے کا امکان

اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کا کہنا ہے کہ راول ڈیم فلائی اوور کی تکمیل حتمی مرحلے میں داخل ہو چکی ہے اور یہ منصوبہ رواں ہفتے عوام کے لیے کھول دیا جائے گا۔

سی ڈی اے حکام کے مطابق حالیہ بارشوں کی وجہ سے راول ڈیم کی تکمیل تاخیر کا شکار رہی تاہم مذکورہ منصوبہ رواں ہفتے مکمل کر لیا جائے گا۔

علاوہ ازیں شدید بارشوں کے اثرات کو ختم کرنے کے لیے دانے دار میٹریل کا بھی استعمال کیا گیا ہے تاکہ بارشوں سے تعمیراتی کام کسی بھی طرح متاثر نہ ہو۔

راول ڈیم چوک انٹرچینج جڑواں شہروں کا وہ اہم مقام ہے جو دونوں شہروں کو آپس میں ملاتا ہے۔

یہ منصوبہ مری روڈ، کلب روڈ اور پارک روڈ کے سنگم پر تعمیر کیا گیا ہے۔ کلب روڈ اور مری روڈ راولپنڈی اور اسلام آباد کو آپس میں جوڑنے کا باعث بنتے ہیں۔ یہ سڑکیں جڑواں شہروں کو فیض آباد کے مقام پر آپس میں ملاتی ہیں۔

راول ڈیم فلائی اوور وفاقی دارالحکومت کے مرکز میں تعمیر کیا گیا ہے جس سے نہ صرف جڑواں شہروں اسلام آباد اور راولپنڈی بلکہ ان سے ملحقہ رہائشی منصوبوں کو جانے والی شاہراہوں پر ٹریفک کی بلاتعطل روانی کو یقینی بنایا جا سکے گا۔ اس منصوبے کی جغرافیائی اہمیت کی وجہ سے روزانہ تقریباً 50 ہزار افراد مستفید ہو سکیں گے۔

مزید خبروں اور اپڈیٹس کیلئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔