اسلام آباد: امارات گروپ اور ایکسیلینس ڈیلیورڈ کی مشترکہ کاوش سے جدید دور کے تقاضوں سے ہم آہنگ ڈیٹا ٹرانسفارمیشن سافٹ ویئر کا اجراء کر دیا گیا۔
سسٹم ایپلیکیشن پراڈکٹ (سیپ) سافٹ ویئر کے اجراء کی تقریب امارات گروپ کے ہیڈ کوارٹر میں منعقد ہوئی جس میں امارات گروپ کے چیئرمین شفیق اکبر، ڈائریکٹرز فرحان جاوید، تیمور الحق عباسی, ارسلان جاوید اور سیپ پراجیکٹ مینیجر محمد عمران بوگھیو کے علاوہ شراکتی ادارے ایکسیلینس ڈیلیورڈ کے چیئرمین سجاد سی٘د، چیف ایگزیکٹو آفیسر واصل امجد، چیف آپریٹنگ آفیسر اشعر کاظمی اور پراجیکٹ مینیجر ہارون رشید نے شرکت کی۔
سیپ ایس فور/ ہانا گو لائیو کے عنوان سے منعقدہ تقریب میں سیپ سافٹ ویئر کے ڈیٹا بیس میں پہلی بار ریئل ٹائم ٹرانزیکشنل ڈیٹا کی انٹری کر کے سافٹ ویئر کا باقاعدہ افتتاح کیا گیا۔
ڈیجیٹل ڈیٹا ٹرانسفارمیشن کا بنیادی مقصد روزمرہ کے دفتری اور کاروباری امُور میں کاغذ کے استعمال کو ترک کرنے اور پوری دنیا میں کہیں سے بھی ڈیجیٹل معلومات تک رسائی کو یقینی بنانا ہے۔
سیپ سافٹ ویئر اکاؤنٹنگ، پروکیورمنٹ اور تنخواہوں کی ادائیگی کے مربوط نظام سمیت ڈٰیجیٹل ڈیٹا سے جڑے دیگر امور ایک خود کار نظام کے تحت بطریقِ احسن سرانجام دینے کی صلاحیت رکھتا ہے۔
امارت گروپ کے زیر انتظام مختلف شعبہ جات اور شراکتی اداروں کے تعاون سے جدید سائنسی بنیادوں پر استوار سافٹ ویئرز کی تیاری کا عمل جاری ہے تاکہ گروپ ریئل اسٹیٹ سمیت دیگر شعبہ جات سے متعلق معلومات اور سہولیات کی فراہمی اپنے صارفین کے لیے یقینی بنا سکے۔
ان سافٹ ویئرز کی تیاری کا بنیادی مقصد صارفین کی ڈیجیٹل ٹرانسفارمیشن کی مدد سے درست معلومات تک رسائی کو ممکن بنانا اور انفارمیشن ٹیکنالوجی کے فروغ سے امور زندگی میں آسانیاں پیدا کرنا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
