سعودی عرب آزاد جموں کشمیر کو سی پیک سے منسلک کرنے کے لیے 44 ارب روپے قرض فراہم کرے گا۔
حکومتی ذرائع کے مطابق آزاد جموں کشمیر کی سی پیک میں شمولیت کے لیے مظفرآباد تا مانسہرہ 26.6 کلومیٹر طویل ایکسپریس وے تعمیر کی جائے گی۔
یہ پراجیکٹ سینٹرل ڈویلپمنٹ ورکنگ پارٹی کی منظوری کے بعد پبلک سیکٹر ڈویلپمنٹ پروگرام (پی ایس ڈی پی) میں شامل کر لیا گیا ہے۔ یہ پراجیکٹ نیشنل ہائے وے اتھارٹی ( این ایچ اے) کے تعاون سے مکمل کیا جائے گا۔
حکومتی ذرائع کے مطابق مظفر آباد تا مانسہرہ روڈ پراجیکٹ کی فیزیبلٹی اسٹڈی مکمل کی جا چکی ہے۔ یہ ایکسپریس وے 4 لین پر مشتمل ہو گی۔
حکومتی ذرائع کا کہنا ہے کہ اس پراجیکٹ پر کُل 44.72 ارب روپے لاگت آئے گی۔ اس پراجیکٹ کی سی پیک کے لیے اہمیت اور افادیت کو مدِ نظر رکھتے ہوئے سی پیک میں شامل کرنے کا فیصلہ کیا گیا۔
مزید خبروں اور اپڈیٹس کیلئے وزٹ کیجئے گرانہ بلاگ۔
