پاکستان کی ڈائمنڈ جوبلی پر اسٹیٹ بینک نے 75 روپے کا یادگاری نوٹ جاری کر دیا

news BI 15Aug

پاکستان موجودہ سال 14اگست 2022 کو اپنا 75 واں یوم آزادی منا رہا ہے ۔ ملک کی ڈائمنڈ جوبلی کے موقع پر سٹیٹ بینک آف پاکستان کی طرف سے 75 روپے کا یادگاری نوٹ جاری کیا جا رہا ہے۔

مرکزی بینک نے ٹویٹر پر خصوصی نوٹ کی تصویر جاری کرتے ہوئے لکھا کہ ”یہ نوٹ 30 ستمبر 2022 کو عوام کے لیے دستیاب ہوگا‘‘۔

اس سبز کرنسی نوٹ کو قائداعظم محمد علی جناح، سر سید احمد خان، علامہ محمد اقبال، اور محترمہ فاطمہ جناح کی عظیم ہستیوں کی تصاویر سے سجایا گیا ہے۔ جنھوں نے جدوجہدِ پاکستان میں اہم کردار ادا کیے۔

آرٹسٹ سارہ خان کا ڈیزائن کردہ نوٹ کا پچھلا حصہ قومی جانور مارخور اور قومی درخت دیودار پر مشتمل ہے، جو ہمارے ماحول اور پاکستان کے منفرد نباتات اور حیوانات کے تحفظ کی اہمیت کو ظاہر کرتا ہے۔

نئے جاری کردہ بینک نوٹ کی منظوری وفاقی حکومت نے ایس بی پی ایکٹ 1956 کے مطابق ایس بی پی بورڈ کی سفارشات کے بعد دی تھی۔

مزید خبروں اور اپڈیٹس کیلئے وزٹ کیجئے گرانہ بلاگ۔