موسمیاتی تبدیلی سے مزاحمت کرنے والے انفراسٹرکچر کی تعمیر میں برطانیہ بھرپور معاونت کرے گا: برطانوی ہائی کمشنر

برطانوی ہائی کمشنر کرسچن ٹرنر نے بروز جمعہ وفاقی وزیر برائے اقتصادی امور سردار ایاز صادق سے ملاقات کی اور انہیں پاکستان میں موسمیاتی تبدیلی سے مزاحمت کرنے والے انفراسٹرکچر کی تعمیر میں برطانیہ کی بھرپور معاونت کی یقین دہانی کروائی۔

حکام کے مطابق وفاقی وزیرِ اقتصادی امور سے برطانوی ہائی کمشنر نے وفد کے ہمراہ ان کے دفتر میں ملاقات کی۔ سردار ایاز صادق نے کرسچن ٹرنر اور ان کے وفد کا پرتپاک خیرمقدم کیا۔ وفاقی وزیر نے پاکستان اور برطانیہ کی مختلف سیکٹرز میں شراکت داری پر برطانیہ کے کردار کو سراہا۔

اس موقع پر برطانوی وفد نے پاکستان میں تباہ کن سیلاب کی وجہ سے ہونے والے جانی نقصان اور بڑے پیمانے پر ہونے والی تباہی پر گہرے دکھ کا اظہار کیا۔ انہوں نے وفاقی وزیر کو برطانیہ کی حکومت کی طرف سے فراہم کی جانے والی سیلاب سے متعلق امداد کے بارے میں آگاہ کیا اور کہا کہ برطانیہ موسمیاتی تبدیلی سے نمٹنے کے لیے انفراسٹرکچر کی تعمیرِ نو میں پاکستان کی بھرپور مدد کرے گا۔

مزید خبروں اور اپڈیٹس کے لئے وزٹ کیجئے گرانہ بلاگ۔

About Rizwan Ali Shah

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے