اسلام آباد: وفاقی ترقیاتی ادارے کیپیٹل ڈویلپمنٹ اتھارٹی (سی ڈی اے) کے ترجمان کا کہنا ہے کہ ایکسپریس وے کی توسیع کا کام مقررہ وقت سے پہلے مکمل کر لیا جائے گا۔
سی ڈی اے کا کہنا ہے کہ کورنگ پُل سے پی ڈبلیو ڈی انٹرچینج تک توسیع کا کام کافی حد تک مکمل کر لیا گیا ہے۔
تفصیلات کے مطاق سی ڈی اے نے اس سال جنوری میں اس پراجیکٹ کا ٹھیکہ فرنٹئیر ورکس آرگنائزیشن (ایف ڈبلیو او) کو دیا تھا۔ منصوبے کے پی سی ون کے تحت پراجیکٹ کو 15 مہینوں کے اندر مکمل ہونا ہے۔
یاد رہے کہ ایکسپرپیس وے اسلام آباد کی مصروف ترین شاہراہوں میں شمار ہوتی ہے۔ بالخصوص کام کے اوقات یعنی صبح 9 سے شام 5 بجے تک اس پر سفر کرنا قدرے مشکل ہے۔
سی ڈی اے کے مطابق منصوبے پر کام تیزی سے جاری ہے اور مقررہ وقت کے اندر مکمل کر لیا جائے گا۔
مزید خبروں اور اپڈیٹس کیلئے وزٹ کیجئے گرانہ بلاگ
