وومن آن ویلز، خواتین کیلئے موٹر بائیک اور سکوٹی چلانے کی مفت تربیت

خواہشوں کو  پَر لگنے کا تو آپ نے سنا ہوگا۔ امیدوں اور عزائم کو آسمان چھوتے محسوس کیا ہوگا۔ لیکن یہاں ہم آپ کو بتا رہے ہیں کہ ہوا کے ساتھ اڑنے کا فن اور زمانے کو پیچھے چھوڑنے کا ایک کامیاب احساس کیا ہوتا ہے۔ اور وہ بھی خواتین کے لیے۔

invest with imarat

Islamabad’s emerging city centre

Learn More

جی ہاں! خواتین اب خود پہیوں پر سفر کرنے لگیں گی اور وہ بھی دو پہیوں پر مشتمل موٹر بائیک اور سکوٹی پر۔ جس کی تربیت دی جا رہی ہے جی سی یونورسٹی فیصل آباد میں۔

بین الااقوامی مینوفیکچرنگ ادارے انٹرلوپ اور صوفی فاؤنڈیشن (ایس ایس ایف) کے تعاون سے 19 ستمبر 2022 کو گورنمنٹ کالج یونیورسٹی فیصل آباد میں ’’وومن آن ویلز‘‘ پراجیکٹ لانچ کیا جا رہا ہے۔ جس میں خواتین کو موٹر بائیک اور سکوٹی چلانے کی مفت تربیت دی جائے گی۔

موٹر بائیک اور سکوٹی کی تربیت حاصل کرنے والی خواتین کی رجسٹریشن کے لیے سوشل میڈیا پر آن لائن فارم بھی موجود ہے۔

 

 

اگرچہ کچھ خواتین پہلے بھی سڑکوں ہر بائیک اور سکوٹی چلاتے دیکھی گئی ہیں۔ لیکن یہ اقدام ان خواتین کے لیے مفید ثابت ہو گا۔ جو خاص طور پر کسی تربیت دینے والے کی مرہونِ منت ہوتی ہیں۔ اور اپنے ارد گرد کوئی تربیت دینے یا حوصلہ افزائی کرنے والا نہیں پاتیں۔

خواتین زندگی کی دوڑ میں مردوں کے شانہ بشانہ کام کر رہی ہیں۔ یہی وجہ ہے، کہ آج بےشمار خواتین نہ صرف اپنے پیروں پر کھڑی ہیں بلکہ اپنے خاندانوں کو مالی طور پر سہارا دے رہی ہیں۔

 

متعدد خواتین کے لیے ذرائع آمد روفت تک روزانہ کی بنیاد پر رسائی ممکن نہیں۔ اور لا تعداد خواتین ایسی ہیں جو تنہا گھروں کی ذمہ داریاں سر انجام دیتی ہیں۔ ایسی خواتین کے لیے موٹر بائیک یا سکوٹی کی تربیت ایک قابلِ تحسین عمل ہے۔ جس کے باعث نہ صرف خواتین کے اعتماد میں اضافہ ممکن ہوگا۔ بلکہ ان کی روز مرہ کی مشکلات بھی کم ہو پائیں گی۔

 

اس اعلیٰ اقدام کے پیشِ نظر معاشرے کے مرد حضرات سے خواتین کی حوصلہ افزائی کی ضرورت ہے۔

مزید خبروں اور اپڈیٹس کیلئے وزٹ کیجئے گرانہ بلاگ۔

invest with imarat Islamabad’s emerging city
centre
Learn More
Scroll to Top
Scroll to Top