پنجاب میں اگلے ماہ 5 ترقیاتی سکیموں کا افتتاح

image (38)

راولپنڈی: راولپنڈی انتظامیہ نے صوبے میں 5 ترقیاتی سکیموں کے افتتاح کی تیاری مکمل کر لی۔

افتتاح دو مختلف تقاریب میں وزیرِ اعلیٰ عثمان بزدار کی جانب سے کیا جائے گا جب کہ اُن کی میزبانی وزیرِ ہوا بازی غلام سرور خان کریں گے۔

ان میں ایک 93 کنال پر محیط 100 بیڈ کا ہسپتال ہے جو چکری روڈ پر واقع ہوگا۔ اس ہسپتال میں او پی ڈی، ایمرجینسی ڈیپارٹمنٹ اور آپریشن تھیٹر کی سہولیات ہوں گی۔

وزیرِ ہوا بازی کا یہ کہنا ہے کہ اس ہسپتال کو ایک سال میں مکمل کیا جائے گا جب کہ اس کے قیام سے علاقے کے دیگر ہسپتالوں پر بوجھ کم ہوگا اور روڈ حادثات کے شکار لوگوں کو یہاں تک رسائی بھی آسانی سے ہوگی۔

اڈیالہ روڈ اور اس سے ملحقہ علاقوں میں صاف پانی کی فراہمی کا منصوبہ اور گیس سپلائی کا نظام بھی منظور شدہ پراجیکٹس کا حصہ ہیں۔ گیس سپلائی پر 150 ملین ڈالر کی لاگت آئے گی۔

مورگاہ میں کے آر ایل گرلز ہائیر سیکنڈری سکول کو ڈگری کالج کا درجہ دیا جائے گا، جبکہ خواتین کے لیے نئی ٹیکنیکل یونیورسٹی اور ووکیشنل کالج کا بھی سنگِ بنیاد رکھا جائے گا۔

وزیرِ ہوا بازی غُلام سرور خان نے کہا کہ ٹیکسلا اور چونترہ سے عوامی نمائندے بھی تقریب کی تیاریوں میں مصروف ہیں۔

 

مزید خبروں اور اپڈیٹس کے لیے وزٹ کیجئے گرانا بلاگ۔