لاہور: نگراں وزیر بلدیات پنجاب عامر میر کی ہدایت پر شہر بھر میں غیر قانونی تعمیرات کے خلاف کریک ڈاؤن کا آغاز کر دیا ہے۔
تفصیلات کے مطابق سمن آباد، واہگہ اور داتا گنج بخش زون سمیت مخصوص زونز میں غیر منظور شدہ نقشوں پر تعمیراتی کاموں سے متعلق شکایات پر ایکشن لیا گیا۔ مہم کے دوران منظور شدہ نقشوں سے تجاوز کرنے والی تعمیرات کو مسمار کیا گیا۔ اور شناخت شدہ عمارتوں کو سیل کر دیا گیا ہے تاکہ ان کے مالکان کے خلاف مزید قانونی کارروائی کی جا سکے۔
تفصیلات کے مطابق متعلقہ حکام کو ان سیل شدہ عمارتوں کی روزانہ نگرانی کا کام سونپا گیا ہے تاکہ قانونی اقدامات کی تعمیل کو یقینی بنایا جا سکے۔ مزید یہ کہ نوٹس ملنے کے باوجود تعمیرات جاری رکھنے والے مالکان کے خلاف قانونی کارروائی کی گئی۔ نیز غیر قانونی تعمیرات کے خلاف آپریشن کے تحت مین ملتان روڈ سے ملحقہ سڑک پر قائم عمارت کو اضافی تعمیرات ہٹانے کے بعد سیل کر دیا گیا۔
اس کے علاوہ آپریشن کے دوران مین جی ٹی روڈ پر اٹک پٹرول پمپ کے قریب ایک صنعتی عمارت کے گرد اضافی دیواریں بھی گرا دی گئیں۔ نیز مین سائفن روڈ پر پی ٹی سی ایل ایکسچینج جلو موڑ کے اطراف میں کمرشل ہالز اور دکانوں سمیت غیر قانونی تعمیرات کے مالکان کے خلاف کارروائی کی گئی۔
مزید خبروں اور اپڈیٹس کیلئے وزٹ کیجئے گرانہ بلاگ۔
