اسلام آباد: کیپیٹل ڈیویلپمنٹ اتھارٹی نے اس مہینے یعنی جولائی کی 15، 16 اور 17 تاریخ کو نیو بلیو ایریا منصوبے کے کمرشل پلاٹوں کی نیلامی کی تیاریاں مکمل کرلی ہیں۔
نیلام عام کا انعقاد جناح کنوینشن سینٹر میں ہوگا جس کا مقصد ملک میں معاشی اور سرمایہ کاری کی سرگرمیوں کو فروغ دینا ہے۔
سی ڈی اے کے ڈائریکٹر برائے تعلقاتِ عامہ جناب مظہر حسین کا کہنا ہے کہ اس پراجیکٹ سے کاروباری حضرات اور سرمایہ کاروں کی حوصلہ افزائی ہوگی اور اسلام آباد کے کمرشل حب میں اُن کو اپنے کاروبار کے فروغ اور برانڈ پروموشن کا موقع ملےگا۔
زیادہ سے زیادہ سرمایہ کاروں کو راغب کرنے کے لیے سی ڈی اے، پیٹرول پمپ سے لے کر ہوٹلز تک، 600 مربع گز سے 10000 مربع تک کے مختلف پلاٹوں کو نیلامی کے لیے پیش کررہی ہے۔
نیلامی سے حاصل شدہ فنڈز سے اسلام آباد میں مزید ترقیاتی منصوبوں پر کام کیا جائے گا۔
اس انسینٹیوازڈ پیکج میں معتدد مراعات شامل ہیں کہ جن میں رقم کی مکمل ادائیگی کے اُوپر 10 فیصد ڈسکاؤنٹ، بولی کی قبولیت کے اشوانس لیٹر جاری ہونے کے 30 دن کے اندر 25 فیصد کی پہلی قسط کی ادائیگی اور اُس کی ادائیگی پر ہی ماسٹر پلان کی منظوری اور مکمل ادائیگی پر کنسٹرکشن کی اجازت، پرو ریٹا بنیاد پر پیشگی انکم ٹیکس، 1000 مربع زمین سے کم کے لئے سو فیصد کوریج، 1000 مربع سے زائد پلاٹوں کے لیے 70 سے 75 فیصد گراؤنڈ کوریج، ہر پلاٹ کو سرکولیشن سٹرپ یعنی حد بندی کی سہولت، پارکنگ کی وسیع جگہ اور نئے بلڈنگ قوانین کا اطلاق شامل ہیں۔ اتھارٹی کے طور پر ایک 10 رکنی کمیٹی تشکیل دے دی گئی ہے کہ جس کے چیئرمین ممبر فنانس سی ڈی اے ، جبکہ ممبر اسٹیٹ ، ممبر پی اینڈ ڈی ، ڈی ایف اے ، ڈی جی لاء ، ڈائریکٹر پبلک ریلیشنس ، ڈائریکٹر اربن پلاننگ ، ڈائریکٹر ای ایم اور ڈائریکٹر فنانس ممبران کے طور پر شامل ہیں۔
مزید خبروں اور اپڈیٹس کے لیے وزٹ کیجئے گرانا بلاگ۔
