لاہور: چیف منسٹر پنجاب عثمان بزدار نے فردوس مارکیٹ گلبرگ کے قریب لال شہباز قلندر انڈر پاس کا افتتاح کردیا۔
تفصیلات کے مطابق 560 میٹر طویل اِس پراجیکٹ پر 1 ارب روپیہ لاگت آئی۔
وزیرِ اعلیٰ عثمان بزدار کا کہنا تھا کہ شفاف ٹینڈرنگ سے اس پراجیکٹ میں 130 ملین کی رقم بچائی گئی۔
اُنہوں کے کہا کہ اس پراجیکٹ سے سینٹر پوائنٹ، ایم ایم عالم روڈ اور کیویلری گراؤنڈ کے مابین ٹریفک کا بہاؤ تیز ہوگا۔
روزآنہ اس سڑک سے ایک لاکھ مسافر گزریں گے اور اس ضمن میں اُن کے فیول کی بھی بچت ہوگی۔
وزیراعلیٰ نے کہا کہ حکومت نے لاہور کی ترقی پر خصوصی توجہ دی ہے اور شہریوں کو مزید سہولیات کی فراہمی کے لئے نئے منصوبے بھی شروع کیے جائیں گے۔
لاہور ڈویلپمنٹ اتھارٹی کے ڈائریکٹر جنرل احمد عزیز تارڑ نے وزیر اعلی کو منصوبے کی تفصیلات سے آگاہ کیا۔
صوبائی وزراء میاں محمود الرشید اور مراد راس، پی ٹی آئی وسطی پنجاب کے صدر اعجاز چودھری، ڈاکٹر فردوس عاشق اعوان، ایل ڈی اے کے وائس چیئرمین شیخ عمران، چیف سکریٹری پنجاب، پارلیمنٹیرینز اور دیگر افراد بھی افتتاح کے موقع موجود تھے۔
مزید خبروں اور اپڈیٹس کے لئے وزٹ کیجئے گرانہ بلاگ۔
