لاہور: وزیراعلی پنجاب سردار عثمان بزدار نے 4.9 ارب کی لاگت کے شیرانوالہ گیٹ فلائی اوور منصوبے کا سنگ بنیاد رکھ دیا۔
پنجاب حکومت کے مطابق یہ منصوبہ اندرون لاہور کے شہریوں کےلیے بڑا ریلیف لائے گا اور ریلوے سٹیشن، اندرون لاہور، شیرانوالہ گیٹ، مینار پاکستان، موریہ پل اور ڈینٹل ہسپتال کے علاقوں میں ٹریفک کے دیرینہ مسائل کا حل ہوگا۔
وزیرِ اعلیٰ پنجاب کا کہنا تھا کہ پراجیکٹ کی شفاف ٹینڈرنگ سے 27 کروڑ روپے کی بچت کی گئی ہے، ناکارہ سیوریج لائن کی جگہ 2.5 کلومیٹر نئی لائن بھی ڈالی جا رہی ہے جس سے پرانے لاہور کا ایک اور بہت بڑا مسئلہ بھی حل ہوگا۔
اُنہوں نے کہا کہ 360 ارب روپے کے خصوصی ڈسٹرکٹ ڈویلپمنٹ پیکیج میں ہر ضلعے کے لیے تعلیم، صحت اور انفراسٹرکچر سمیت اہم ترقیاتی منصوبے شامل کیے گئے ہیں جس میں تمام سٹیک ہولڈرز کی مشاورت شامل ہے۔
مزید خبروں اور اپڈیٹس کے لیے وزٹ کیجئے گرانہ بلاگ۔
