کراچی: پاکستان سول ایوی ایشن اتھارٹی (سی اے اے) نے ملک بھر میں اپنی زمینوں پر غیر قانونی قبضے چھڑوانے کے لیے حتمی فیصلہ کرلیا ہے۔
سی اے اے حکام کے مطابق اتھارٹی نے ملک میں ایئرپورٹس کی زمینوں کا سروے کرنے کا فیصلہ کیا ہے جبکہ کراچی، اسلام آباد اور لاہور سمیت ملک بھر میں سی اے اے کی زمینوں سے متعلق سروے کا کام جاری ہے۔
سی اے اے حکام کا کہنا ہے کہ پہلے مرحلے میں کراچی میں اتھارٹی کی زمینوں کا سروے کیا جارہا ہے۔
سی اے اے نے زمینوں کے سروے کا کام سروے آف پاکستان کے حوالے کر دیا ہے۔
کراچی کے بعد ملک کے تمام شہروں میں سی اے اے کی زمینوں کا سروے ہو گا جبکہ سی اے اے کا متعلقہ شعبہ اسٹیٹ سروے آف پاکستان سے مکمل رابطے میں ہے۔
سروے میں تکنیکی طور پر اسیٹلائٹ امیجز حاصل کر کے سی اے اے کی زمینوں کا تعین کیا جائے گا۔
حکام کے مطابق یہ سروے ملک بھر میں سی اے اے کی اپنی زمینوں پر غیر قانونی قبضے ہونے کے انکشافات کے بعد کرانے کا فیصلہ کیا گیا ہے۔
کراچی میں سی اے اے کی زمینوں پر سروے کا کام 25 اگست تک مکمل کرنے کا ٹاسک دیا گیا ہے۔
مزید خبروں اور اپڈیٹس کیلئے وزٹ کیجئے گرانہ بلاگ۔
۔
